(صياف) اللي يشيلون النعش عشره و عشرين

اللي يشيلون النعش عشره و عشرين= أما من العتبان و إلا من جهينه
حسب النظام يكفي الميت ثلاثين=و اللي يزيد يحط في ظهر السفينه

أنتم شراكٍ في هذاه من أول الحين= ياحرب أهل رباغ و ياحرب المدينه
لاعاد تطر الموت خل الموت بعدين= إلعب و هرجنا على رفق و سكينه

بعض العرب لاصايمين و لامصلين= مدري ورى رضوان و إلا فالدفينه
ياملفي الدنيا على وحده و ثنتين= مار الثمن مايدفع إلا فالثمينه

بعض السوالف لاثبوت و لابراهين= و الليلة الحربي ماغار يدير عينه
اللي يخل الروس و يخم الكراعين=و دك يجيله واحدٍ يكسر يدينه

ياقو عزمك يوم كثرت السكاكين= لكن ماقالوا عسى ربي يعينه
بلشت بالصاحين قدام المجانين= طربان و تغني على صوت المكينه

من يسمعك يقول مخل(ن) له مراحين= و أنته صخل محيول بينك و بينه
بيني و بينك لايميلن الموازين= ادحم جبال طويق بجنوبٍ متينه

حنيتها حني المشوّك للعراجين= و الاكل وقت الجوع ياحلوه يازينه
لاتطلع المليون من بنك الملايين=مايستوي عند السنين إلا سنينه

إنا سلوم(ن) طيبه و إنا قوانين= لكن خل العلم في وقته و حينه
ترى البنوك إمغلقات إلها ومانين= يمكن تبأ تاخذ من التجار دينه