الله اكبركل ماقلت ذا العالم تزين==انقفل باب التفاهم وصارت معركه

الله اكبركــل ماقـــلت ذا لعالم تزين
----------انقـفـــــل باب التفــاهم وصــارة معركه
الصقررمزالشجاعه تخدعه حاجتين
----------ينخدع له في حمامه وفي خيط اشبكه
والجهــود ليابذلته مــع المســتهترين
----------راح مجهــــــــودك خساره ولا فيه ابركـه
مايثمن حـــــزة الطيب غير الطيبين
----------والكريم فـــعوله الطيبه هي مـــسلــــكه
الحقيقه عند راع الوفاء جانب ثمين
----------والمخادع شغلته فبركــــه في فبركــــــه
والمواقف يطلعٍ لك علوم الـــجانبين
----------العقول الناقصــــه والعقول المدركـــــــه
الحقيقه مايغالط عليها العــــــارفين
----------والدنيه بين لاجواد عــــله منهـــــــــــكه
والســـلامه دائماًفي عقول السالمين
----------والمعايش كل راسٍ حـــسب فعل احنكه