الشيخ

السلام عليكم ورحمة الله وبركاته
يسرني طرح هذه الابيات التي تعبر عن موقف بعينه
كان هو الدافع اتمنى ان تنال استحسانكم

راحوا شيوخ البدو يا شريطي الثوم = مــــرّاح عــــز جـدانـهــم يالـبـلـيـده
الشيخ ما هو مركـز وبشـت وختـوم = ولا هو اسم جد(ن) يفتخر به حفيده
ولا هو بشيخ الحضر بالدين وسموم = كــره الـبـدو مـــا ذوبـتـهـا العـقـيـده
ولا هو مليارديرن من الطيب محروم = عـن العـلـوم الغانـمـه تقـصـر ايــده
الشيخ طيب فعول وعلـوم وسلـوم = امـــروه ونــخــوه وأريــــا ســديــده
راسـه يشـوش حمـوه وقـوة عـزوم = دايـــم ونـاحـيـتـه مــداهــا بـعـيــده
تضيع فيه اللهود والغيـض مكضـوم = فــولاذ قـلـبـه والمـحـانـي حـديــده
يوم الجموع حشود والموت محتـوم = مـن بينهـا الشيطـان حامـي بـريـده
خيـال صـفـرا لا لكـدهـا هـكـا لـيـوم = ارخى العنان وداس جمـع الضديـده
نقـح بشلفـاه المـجـوخ مــن الـقـوم = واومـا بهـا اومـاي الهـواء بالجـريـده
يقفـي ويقبـل بينهـا المـوت ملحـوم = بشلـفـاً يمثنـيـهـا ضـلــوع الـولـيـده
يسكـر سطـر ويعيـف الزايـم الـزوم = يــا مــا حــلا هـكـا لنـهـار وشـديـده
مقدم حرار(ن) للعشاء تبعـد الحـوم = وليـا انكفـوا خلـف التوالـي صميـده
لا زاحـوا كبـار الشمايـل مــا للـقـوم = إلا العـنـا مــال الـفــزوع الـشـريـده
لا وردوا حــم الــذرا الـعـزل معـلـوم = عـلـى يــده بـيـن النـشـامـا بـديــده
شيخ السعد مزبان جالي ومضيـوم = جـنــة كـبــود(ن) مـــن زمـنـهـا لـهـيـده
مـا نـام لـو ليلـه علـى كـبـده يــزوم = مــر(ن) بكـبـده يـأخـذ الـحـق بـيـده