قالوا تسافر سياحة قلت لا والله=أسيح بالمملكة و أحب طاريها

بسم الله الرحمن الرحيم

قالوا تسافر سياحة قلت لا والله = أسيح بالمملكة و أحب طاريها
و أحب عبد العزيز المعتصم بالله = اللي بناء صرحها و أرسى رواسيها
السيف شامان سله و استعان الله = يوم استلم حكمها نادى مناديها
صقر الجزيرة رفع راية عليها الله = خضراء ترفرف على قمة مبانيها
ابحكم آل سعود طبنا و الفضل لله = اللي حكمها بحاضرها و ماضيها
المملكة نورت في عهد عبد الله = هي مهبط الوحي و الرحمن حاميها
الشعب كلن يغني يا سلام الله = على بلادن ربينا في روابيها
دارن ربتنا على سنة رسول الله = حقن علينا بغال الروح نفديها
من زار مكة و صلى وسط بيت الله = يا حلو ذيك الصلاة اللي يصليها
دارن تبدل جهلها بحكم شرع الله = إي والله أحبها و أحب راعيها
من داج بربوعها يقول ما شاء الله = هذي بلدنا و حنا نفتخر فيها
اختماها في صلاتي بعد ذكر الله = على النبي بأول السيرة و تاليها