شكرا يابو تركي نقلت القصيده

السلام عليكم ورحمة الله وبركاته اخواني اعضاء ملتقى حرب الرسمي
يشرفني الانضام لهذا الصرح الشامخ واشكر الاخ سعد المحمدي على الدعوه لي
ونقله قصيده لي بقسم المنقول اخواني عسى ان نفيد ونستفيد ونكون عند حسن الظن
وهاذي الابيات ارسلتها على سعد المحمدي عن طريق الجوال

شكرا يابو تركي نقلت القصيده=وصلتها موقع جزيل القوافي
في ملتقى ربعي رجال العقيده=واهل الكرم والصدق بين وخافي
رجالهم نبض الوفاء في وريده=وللضد سم بالمواقف زعافي
ياشاعرن له بصمة بالفريده=وماقل دل وموجز النص كافي
لك نظرتن بين الكواكب بعيده=والشعر نقحته عن النقد صافي

رد سعد المحمدي

اشكر للمعبود رازق عبيده=سبحان من يعلم بكل الخوافي
يابو سعد لو كل جمله مفيده=ماصار في قول الرجال اختلافي
النادره ياطيب الصيت صيده=مايصيدها رامي عضوده اضعافي
والا انت شاعر يوم نسمع نشيده=يذكر على بالي قصيد النصافي