اقفى الزمان اللي وحوش القوم ما اشقتها البشوت 00000

	المشاركة الأصلية كتبت بواسطة بخيتان البشري

	السلام عليكم ورحمة الله وبركاته اقفى الزمان اللي كبار القوم ما اشقتها البشوت = بشوتهم بشت الحيا والطيب والمعروف جود ماطاح واجب بينهم لو مالقو مشرب و قوت = مابينهم درب الوفا والقدر والوزعة تزود لو جاء كدر بقلوبهم يجلى ولايبقى نعوت = خافي كما الظاهر على وضح النقا طبع محمود اول ذهيبة فالعرب اليا عطت درب الخبوت = مايتركون خطامها في وقتهم حتى تعود ماراحت الجيرة ولا الرفقة ولا الخوة شتوت = واليوم لا حية ولاهي ميتة وسط الحود واليوم حاضر وقتنا الوحش فيه العنكبوت = ضاعت حقوق وضاع قن وخير عاشو به زهود قلوب عيت لاتصحصح لاهلها جابت بهوت = متراكمة خبث وحسد وظنون زادتهم حقود الناس صارت سالفتها الناس ثمرتها تموت = فلان راح فلان جاء تلاحقوا حتى الرقود ذا وقتنا رجليه عوج وجاء لها درب معفوت = حتى المروة عودت مثل المروة فالهنود زمن مصالح ذا يصّلح ثم قال لذاك شوت = لو كان له هيبة الزمن 0 ماوخر ذياب وفهود تبقى العقول اللي كبيرة دون مبداها ثبوت = والكبر ماهو فالجسد في عقل للجزلة يقود اهل النوايا الصادقة في كل وقت اهل البخوت = يابختهم 0 كم غيرهم مالله عطاهم فالوجود والخير باقي في امة محمد ولاخليت بيوت = بيتٍ على قومه ذرا 0 لو بيت تذريه البرود وفي وقتنا فيه الرجال اللي لهم صورة وصوت = لكن قلة لو تحاول قد ماتقدر تذود والاغلبية في زمنا بينهم لعبت كروت = للشايعة بسبابهم ماهو على قدح الزنود وصت عصافير الطيور اللي تربت بالسكوت = بتنافس احرار الصقور اللي تربت فالحيود

صح السانك يابخيتان والقصيده وافيه
وعندي ملاحضه ارجو ان تقبلها بصدرٍ
رحب
وهوالبيت الاأوّل

لوقلت

اقفى الزمان اللي كبار القوم ما اشقتها البشوت = بشوتهم بشت الوفى والطيب والمعروف جود
لك مني اجمل تحيه وتقدير