إلى القدير / فواز الزّويهري ( راح الشّباب ومنه ليت استفدنا )

/
/
/
/
/
/
/
/
/
/
/
/
/
/

راح الشّباب ومنه ليت استفدنا=والشّيب بيّن والعمر فالثّلاثين
وبحراج جاوبنا على اللي نشدنا=لاقال كيف الوضع قلنّا هنيّين
وكم واحدٍ لايم لنا في عقدنا=وايعد نفسه مستشار السّلاطين
مايدري انّا في زمنّا جهدنا=اضعاف جهده مير محنا حضيضين
مسكيين مايدري عن اللي وجدّنا=والحمد لله كان عشنا تعيسين
كم ليل مانمناه سبّة سهدنا=يوم اجتمع همّ الهوى بالمدايين
وكم ليل من زود المزاهق رقدنا=رغم الطّرب واللعب محنا بسالين
وفي مجتمع ماانصف لنا ماحصدنا=غير الحسد والشّك واحنا نظيفين
فينا نزاهه مثلها ماوجدنا=يشهد بها اللي بالعلاقه قريبين
صدق الضّماير مانخون لبلدنا=ولاتقبل الرّشوه يدين العفيفين
لاكن يافوّاز حال ٍ لهدنا=انّه يوسوس فاالصّداقه شياطيين
كم صاحب ٍ ضلاّ سنين ايعمدنا=لاكن تغيّر حرّشوه الخبيثين
زمرة ردى من فعلها ماوددنا=تثّر على اللي عندنا حيل غالين
واحنا على اللي نعبده معتمدنا=والصّدق يافوّاز ذولك مجانيين
وندعيك ياللي بالاجابه وعدنا=عدواننا في كارثتهم مظلّيين
تاصل على اقصى حدّها بعد الادنى=واحنا على العدوان محنا محنّيين
وغلطان يافوّاز لو تعتقدنا=انهابهم واحنا سلايل شجيعين

الشّاعر / خالد بن عبيد بن معتوق ألأحمدي