صفحة الهامش

هذا الزمان اللي تركني على ماش
يا صاحبي ما عاد باقي صداقه

احداً يصدق بگ كلامً من اللاش
و احداً نسى المعروف بين الرفاقه

ماني بمتحسف على كل من طاش
و الا يروح و لا يأثر فراقه

أخذت لي كلمة على كل من هاش
من لا يقدم طيب يا كيف باقه

الوضع عادي مايجئ وسطها ارباش
مير الرفيق اللي وجعني اطراقه

بعد الوفا والطيب يجيگ مهتاش
ما كنه اللي مخطئً في سياقه

ما يدري أني حاسبه ضمن الأوباش
في صفحة الهامش طوينا رواقه

عبرت في ردي على كل بكاش
و اللي يحاول لعبته في نفاقه

ما كل من يكتب على الضلع نقاش
و لا كل من هرجه يسمي لاباقه
*

الشاعر / بدر منور مطلق الحداري