تقصر خطاة القرم بعض المفاتيح

ياليت لي موتر مزوًد بأجانيح = البرق يجذبني شمال المدينه
واطير كنًي طايره تسبق الرًيح = واترك يسار الوادي واخذ يمينه
اوسط ديار الشوق دار المليليح = وابعد مسافه حدً ديرة 000
نبغى الرًجال اللي على هبًة الرًيح = والشًايب اللي شيًبت به سنينه
والدلًه اللي فوق جمرن تبي تفيح = وصوت السًوالف والعلوم الثًمينه
ماللتطوًر في سماهم شوابيح = ماهو جهل ياهل العقول الفطينه
مير التمنًي مايفيد المشافيح = هيًا على موتر تزايد ونينه
ياموتري ماتسبق الفطًر الفيح = دار الزًمان وراح عزم المكينه
مايركبك غير اللًذي ساكن 000 = اللي بمطعم فلفله زاد دينه
جا للحرم حجً وبقى دون تصريح = حال البحر بين الحبايب وبينه
تقصر خطاة القرم بعض المفاتيح = لاصار مثلي مشتهي دار زينه