على الرداء يا الاش مادمت ناوي

ياللي ظهورك وختفاك امتساوي = ودفنت راسك مير باقيك مكشوف
على الرداء يا الاش مادمت ناوي = وخايف رفيقك منك يحتاج معروف
اصبر لين اتحده عليك البلاوي = ثم صد عنه وقول ماني بمكلوف
لا تسابق الاحداث بالشين ضاوي = اخر رداك شوي لين انك اتشوف
يمكن رفيقك عنك يصبح غناوي = وتعدي الرحله على خير وتطوف
اما لقيته يسهجك بالنخاوي = او يستر الله مايجي عنده اضروف
وليا انت ياللي لانذاله مهاوي = ومن الوفاء والطيب يلعب بك الخوف
متجملً لو مانت حول الحراوي = ومن الرداء سالم وهو إلك مالوف
ويمكن بعد توصف بحراً نداوي = لو يضلمون اللي عليه انت ماصوف
مير المدوح اللي قبل لرهاوي = تصرف لمن شره بها الوقت مكفوف