بين ( الاقواس ) 0000

السلام عليكم ورحمة الله وبركاته

عديت بالرجم الطويل اليماني = هوجاس عدابي وقضيت هوجاس
مدري وصلت لقمته في ثواني = والا هجوسي بينها الوقت مرواس
اجلس واتكي نوب واقف مكاني = ارفع قضية والعقل ميّز وقياس
مع حظ نايم منه قديش جاني = الهم ومعه الغُلب والثالث الياس
لو ماعثر مرة في مرات شاني = عِده كما اللي فالمخاليق هلاس
وقمت اتهيض وافتكر فالزماني = زمان به ولد الردي شيخ فالناس
ويلقى الوفي فيه الشقى والهواني = مابين قلع اضراس لا حد الامواس
مجني عليه وصار محسوب جاني = لو القضية فالاصل مالها ساس
العمر رحلة فوق مركب اماني = بحره سنين ايامها امواج الاتعاس
انا ادري إن العمر لاشك فاني = ويبقى النصيب إجابته بين (الاقواس )