ردية بيني وبين الشاعر فلاح الحنيني

قصيدة الشاعر فلاح بن عواد الحنيني

اشوف عـبدالله *متعّـب اركابه****ايغوص في غابت الاهوال ويعوم
واشوف له في كل ماقف طلابه****ياخذ على ظهره حمل قوم ويقوم
ماهي على مثله جديد وغرابه****رجلً صليب الراس شاعر وشغموم
لاكن من ينطح من القــوم لابه****من ضربهم يصبح مهلوس ومنجوم
ياشجرتن مامات *فالجحر دابه****مالك بها مقيال والداب مسموم
اخاف يابن عيد ينهشك نابه****تصبح طريح افراش منسي ومعدوم
خل السفن فالبحر تجري رحابه****تلعبها الامواج في عرف وسلوم*
خل الخلايق عـند ربك حسابه****منته على ردع الجهاهيل ملزوم
تشهر على كل الاوادم احرابه****والكلمه العوجى تلقم لها كوم
ماقلت قولي خوف ولا مهابه****الصد طب ال كل الامراض وسقوم
أرقى جبل وصدع بصوتك وجابه****قل ياجبل ماهزتك ريح في يوم*
ولا انت من غير الرفاقه قرابه****حي الرفيق الي فالانشاب زيزوم
ولولا الغلا ماسقت عذب الكتابه****ورفعلك الرايه مقدر ومحشوم


...................،،،،،،،..............
وهذا ردي


حي الصديق الي لفاني جوابه~~~في مختصر قوله يعبر عن اللوم*
يقول شعرك ناويٍ للحرابه~~~منته على صفق المشاويح ملزوم
لوالله الا ما بقولي غرابه~~~بالي مكانه بين الاجواد معدوم*
نبى نهين الي تردى جنابه~~~الي ما بين الخلق لا شك مذموم*
حنا ترانا ما نحسب احسابه~~~لهو ولا الي مخالف العلم وسلوم
نردع ويبقى سم دابه بنابه~~~والحر يشلع جايزله فضا الحوم
يومٍ غيري جافلاتٍ اركابه~~~وانا بسيفي في رع الشين ملحوم
كلٍ يحب الذنب عند ارتكابه ~~~وانا احمد الله ماش ظالم ومظلوم
شيدت بيرق هاجسي في هضابه~~~واقرأ على الي صابه الضيم والشوم
وافهم مقال الي كلامه غدابه~~~والقول للعراف لا شك مفهوم*
نصوغ جزلات القوافي طرابه~~~يوم الردي يغلب على عينه النوم
وقفت انا في واجبي دون لابه~~~وقفاتنا ماهي بسوقٍ لها سوم
ميقاف شعري كل رجلٍ درابه~~~من هاجسٍ يرزم بها رعود وغيوم*
هذا جوابي كان تبغى الاجابه~~~يلفاك خطٍ في معانيه مزحوم
منى لابن عواد فكري سرابه~~~وأعطيك نبذه عن علومي مع القوم*
نعزكم ونعز كل القرابه~~~والطيب ما بين الرياجيل معلوم