يابن فريج الله يفرج همومك

قصيده تعبر عن المشاعر اتجاه الموقف الغير مستغرب من
الشيخ / صلاح فريج الزبالي الحربي ومساهمتة القيمة في دفع المبلغ المطلوبه للعفو
عن خالد الحربي وهذا موقف لا يستغرب من رجال حرب الاوفياء امثال الشيخ صلاح

يابن فريج الله يفرج همومك = وهموم من مثلك بعد يبذل الخير
يالحربي اللي ما تردا عزومك = لو الحمول اثقل من الطويق والنير
كن ام خالد قالت اليوم يومك = يوم انها تنخاء الوجيه المسافير
الله يلوم اللي بهاذي يلومك = اجر وغنيمه ما تبي زود تفسير
اسمك صلاح وصالحاً من قدومك = من يومها جابتك بنت المناعير
والنعم من قومك ومن غير قومك = تنصاك ياللي ترتكي للمخاسير
حربي ولد حربي شريفه سلومك = ما تاسعك دون القبيله معاذير
لو همها ضلعن تهده نجومك = ويروح بمر الله مثل العثامير
تقول يالحربي تهنا بنومك = لا تشيل هم اللي تجيب الدنانير
ابنا القبيله شرفتهم علومك = والتهنيه مسجاتهم والتباشير
الله يحقق ما بقي من حلومك = وخلف عليك اللي بيده التدابير
وتقبل انفاقك وحجك وصومك = وغفر لك اذنوبك ولي المقادير