عسى الله يجيب الغيث

جديدة لعلها ترتقي لذائقتكم

عسى الله يجيب الغيث و يسيِّل الوديان= و يحيي تخوم(ن) مع غياب المطر ضميا
عسى جوّها من قاعة "النير" إلى "عروان"= و من شرق "ماسل" لين "ظلم"(ن) و هي نميا
يخيِّل على دار(ن) هله تكرم الضيفان= و الى جا الغريب لدارهم صار منتميا
يجيها الغريب و يشعر انه من السكان= و لو هو ضرير يشوف بعيونه العميا
و الى راح عنها من سكنها رجع شفقان= و لاهي غريبه حبها ما ذهب هميا
بلاد(ن) تضم "أم المراويح" و "الريان"= مع "نجار" و "المنجور" و "الحفنة" الزميا
عسى من يلوم اهل البلد خارجه ينهان= و بعد ما يهينوه العدا ينذبح رميا
عسى مملكتنا كلها الغيث و العمران= و عسى من يعاديها يعزّر و يعدميا
بلاد(ن) لفعل الخير تسبق بكل ميدان= و حسّادها لبَّيد و قلوبها دميا
ذكرت البلد و اهل البلد في بيوت سمان= و لو طول عمري قلتها ما تعب فميا