عـزالله انـي تعـبـت وطـال مشــواري

عـزالله انـي تعـبـت وطـال مشــواري=مع سـكّة امال غــي العــشـق وبنـوده
انسج خيوط الاماني وانضم اشـعاري=مسحـوب طاروقـها واحـيان تـغـروده
واجيد لحـن الهجـيني وابـدي افـكاري=من منصنعٍ مـصدره عـلامـة الـجـوده
لصار اعـيوج ايميـن ولـينه ايسـاري=محلا هـبـوب الشـمال ولسـعـة بـروده
وقتٍ مضا سجّة اقـدامي على الطاري=والقلب شـوف الفـيافي ساس مقـصوده
واليوم لوقـلت لك عـن خـافي اسراري=ابعـد مـشـاويـر رجـلي حـي جــلـموده
ضاقت افجوج الوسيعه قـبـل مسيـاري=والوقـت عـقـب الوناسه كـثرة الـهـوده
صابرعـلى ماجـرالي واطلـب البـاري=يامر سحـاب الوسامي ترزم ارعـوده
لمعة ابروقـه ســناهـا يجـذب السّـاري=مع خــط بيـن الامعـيـزيـله وسـامـوده

التوقيع مساعد الجليدي