وإن كان نايف راح الضلع نايف=ما يشبهه سلمان هو مثل سلمان

السلام عليكم ورحمة الله وبركاته

طاف الفؤاد الصلب في الليل طايف=وهز الفؤاد بحق مكروه لا بان
قال انتحب يا نايم الليل نايف=الناس وجله وأنت في النوم للآن
وفز قلبي منه ولياه عايف=الناس ما وده يرى كان من كان
قال اطمئن يا قلب ليه الحسايف=ما راح لين الدار في أمن وآمان
وإن كان نايف راح الضلع نايف=ما يشبهه سلمان هو مثل سلمان
سلمان ما يرقد وفي الدار خايف=في ظل حاكم سادها بحب وإحسان
ساد القلوب الجلف وأمست ولايف=وقوى القلوب الخايفة بعز وإيمان
وحنا ليا حان القدر وأنت شايف=ما نعترض أمرالمقدَّر ليا حان
من شان نؤمن لو شكينا الصلايف=الموت حق وذايقه كل إنسان