عـلــي هـلـيـل الـحـربــي وعـــلـــي الـحـصــنــي

ياسلامي وأخص المشرف المحبوب = من ضميرٍعلـوم الطيـب يشريهـا
ياعلي خل بالك كل ابونـا حـروب = والحقـيـقـه نبيَنهاونخـفـيـهـا
مرحبا والتواضـع والادب مطلـوب = ونتـه الطيبـه تاصـل حراويـهـا
الطواري تجي وتروح نوب ونـوب = ولا يغـر الـرجـال الا طواريـهـا
ان ربح وان خسر والحرف بالمقلوب = كان ما صبتهـا مانتـه بمخطيهـا
كنت اراعي نجومٍ في سماي تجـوب = وكانها غيَبـت وش لـون اراعيهـا
ليلة العيـد كلـن يشتريلـه ثـوب = لـو تمـر الـصـلاه ولايصليـهـا
ياعلي نارنا منهـا الحديـد يـذوب = مـن يدينـه صخيفـه لايصاليهـا
نص كوب القراح يعوض نص الكوب = والهـداوي تبيَـض وجـه مهديهـا
الاجـل والمقدَروالعمـل مكـتـوب = والاوادم ليا اخطت ما نـت هاديهـا
القـراح المصفـى قبلنـا مشـروب = ياوجودي علـى الجمـه وطاويهـا
ياحليل الكلام الصايـب المحسـوب = يقنـع النفـس والعقـال يرضيهـا
رايحٍ لك بصوب وصاحبك في صوب = وبنت ابو زيد ماهانت علـى ابيهـا
الكبر والتغطرس بالعـرب عـذروب = ليت حد الحدب يلحـس عـلا بيهـا
الجمل لوسنامـه يلمـس العرقـوب = حملته ويـن ابـو مشعـل يوديهـا
الحكومه حكومه والشعوب اشعـوب = وكلمة الشيخ تسمع ويـش ياليهـا