واقفى بعد ماعاف واقفيت زيه

مع التحيه والاحترام لكل من شرفني بالتواجد

البارحه عن لذت النوم ياعبيد = ياطول ليلي بين هذي وذيه
سريت مع هاجوس فكري بلا قيد = يالين شع النور وابناح ضيه
لا هو هواء واطرد ورا باشة الغيد = ولا لي ورا الدنيا مطامع ونيه
الي حداء عيني وجايب بها العيد = كله يابو فيحان جيت اضحويه
ومريت دار العود عايض وابو زيد = ومن عقبهم مريت منزل بنيه
ولجت ضلوعي لجت الي على الحيد = ولج لصداء صوته وجاوب خويه
ذيبن حداه الجوع وارهي على الصد = وايس بعد ماشاف راع المطيه
حده بفعل ملولبات العباريد = واقفي بعد ماعاف واقفيت زيه
اقفيت اكيل الراي بالراي وازيد = وصفقت من شين المناضر يديه
تفرقو واستاحش الصدر بالبيد = الي بعد حس الوناسه خليه
لابوك دنيا ماشيه بالعرب سيد = ولحدن مخلد دون حوض المنيه
مومن ولاكن الرجال الصناديد = واهل الوفا واهل النقاء والحميه
نبكي عليهم طول الايام ونشيد = والسور لو تقلط عليه اسوريه
ماراح راح ولا هقيت انه يعيد = لا راح مايرجع ويصعب مجيه