الشاعر المبدع ! لسانه حصانه

يا قمة الذوق
،،

،
خل الصداقه جنب و خل الميانه
و اسمع كلام الذوق يا قمة الذوق

من عاند المجنون ناطح جنانه
واللي هبط للسوق يشري من السوق

ما يذبح الرجال غير الخيانه
خصٍ ليا جاته بعد عهد و وثوق

من صاحبن غرّه بطيبت لسانه
وقلبه سواد اليل و الوجه ( غرنوق )

ذاق الاساء منه و شاف اللعانه
وانهد من اسفل مبانيه لافوق

و الشاعر المبدع لسانه حصانه
ما يطرح المعنا ولا يصير مطفوق

انا اشهد ان الشعر مثل الامانه
وانا ادري ان الناس فعقولها فروق


عقول بعض الناس تبغا صيانه !!
وقلوب بعض الناس تبغالها عروق

ما همني ماتت و عاشت (ديانه)
ولا همني من فاز فمزاين النوق ؟

يهمّـــني خــلٍ غمرني حنانه
يسّوا فعيني كل حيٍٍ و مخلوق

قلبي من الاشواق يمشي وزانه
يصبحه بالشوق يمسيه بالشوق

ياكم تعب لجله و ضحى عشانه
و انا مصدق كل مطرود ملحوق

يا الله عسا الخفاق يكسب رهانه
ويا الله عسا تسلم من الهم والعوق

اللي غلاها جوف صدري مكانه ,,
و الله لسوق الروح لعيونها سوق
،،
،
وسلامتكم
،