هذا الصحيح الي تسجله الاقلام

العدل ساس الحكم والظلم هدام = ومن لاعدل لابد تهدم اصروحه
اقولها لقايد وريس وحكام = وكل ٍ ترى قوله مسجل بلوحه
هذا الوكاد وخوذها بصمة ابهام = ماقول قول إلا محقق رجوحه
لو جمع القوات مع زرع الالغام = عقول الرجال بكل وجهه تموحه
ماحقق الثنتين من قبل صدام = ظلم وشجاعه سبب ٍ نزع روحه
صحيح قايد فالمهمات مقدام = انا قبل موته بكيت ابنزوحه
والي يشوف الظلم ويصوم ماصام = لبليس حقق في طريقه نجوحه
تراكمات اعوام تبين في عام = وموج البحر لاهاج صعب ٍنطوحه
ماينطحه ياغير من يزرع اوهام = وإلا سفيه ٍ مايميز الفوحه
العين تبكي منظر ٍ وجهة الشام = والقلب مما صار زادة اجروحه
احداث فيها تشبه لعرض الافلام = قدم العرب لاكن صباخ وملوحه
الطيب الي يصرح بث العلام = وإلا الفعل ياشام نرج السموحه
هذا الصحيح الي تسجله الاقلام = الفكر صافي والنوايا نصوحه