زايد توفى واصبح الهم زايد

لاتشتكي ياسعود والقلب ملهود=اصبر ترا قلب المولع محايد
ياسعود لاتشكي على الناس ياسعود=زايد توفى واصبح الهم زايد
مالله خلق مثله ولاهو بموجود=مالله خلق مثله ولا هو بعايد
ياسعود تال الوقت جاحد ومجحود=والناس من زود المعرفه تبايد
اصبر على بلواك لاتكسر العود=وتصبح خفايف في عيونك شدايد
فل الحجاج اللي غدا اليوم معقود=مامات حي وراعي الحب قايد
ماحدن يبى ينقص ولاحدن يبى يزود=وانا رفيقي دايم الدوم رايد
على النقى والطيب باقي ومعهود=فاقلوبنا والطيب ماهو عوايد
الطيب ماهو دم حاشي ومفرود=الطيب طيب النفس والعز كايد
اقولها ماني على الهرج محدود=مير الهوى يقتل ولا له سنايد
اصبر عسالله يرجع الزين وتعود=فرحة زمانك فالليال البدايد
فل الحجاج وخالق الكون موجود=مايترك الانسان لو هو يحايد