صياف الحربي + مستور العصيمي

يالله يالله تجلي الهم و الغم=قالوا نبأ الموال قلنا لهم تم
لو غلية الاسعار ماقلت من كم = حكم علينا الامر و الامر لله
يالله طلبتك تسمح النية= طالبك من فضلك و الاحساني
وش همني من حذفة اللي حذفني = الل حذفني جاهلن ماعرفني
اللي بوصفٍ فيه قام و وصفني= حكم علينا الامر و الامر لله
اللي ياراع الحناكية= أسر مسار الذيب سرحاني
حيا الله اللي كل واحد يطيعه= و يجيب غالي و الرخيص يبيعه
و أن كان حمل حملٍ مايستطيعه = حكم علينا الامر و الامر لله
يالربع ياللي ناركم حيه= أصحوا يجي فالنار دخاني
ماتنحذف ياراعي المذهب الزين= ياللي تقص الجرح و العين بالعين
و أن جات غلطة من كبار السلاطين=حكم علينا الامر و الامر لله
حنا من الناس الشمالية=و أنته تغني عند زهراني
بعض العرب لو راح ماجاب فادة= دايم و عينه مثل عين الجراده
و حنا لنا بمصادم القوم عاده= حكم علينا الامر و الامر لله
ماهمنا أبو رجل و إيديه= ياجعل واحد يبكي الثاني
لأنكان ياصياف راعي سياسة= مابه لبن مخضوض في كل طاسه
أعرف طريقك خل عنك العكاسه=حكم علينا الامر و الامر لله
إليا كوينا ننجض الكيه=و الليل ميدانك و ميداني
الله خلق للرجل لحيه و شارب=و يساير الدنيا بعرف و تجارب
و إلياأنثنى حبل الشقاء فوق غارب= حكم علينا الامر و الامر لله
بكره يجونك حرب طريقه= بين المويه وبين رضواني
أنته علامك قمت تنزل و ترقى= جافل من العرقاه مدري تعرقى
بيني و بينك تالي الصيف فرقا= حكم علينا الامر و الامر لله
عندي لكم كلمات سريه=أن كان عندك قلبي و إلساني