الله عـلى الــلّي تـــو قــطّـب اشــراعه

الله عـلى الــلّي تـــو قــطّـب اشــراعه=تــوه جــديـد وضامـنينه عــلى الـكـيف
جـمـسٍ عــليه ارمــوز فخر الصناعه=الله يجــيره مــن جـمـــيع الصـواديف
سـاعـة قـمر عـشريــن يـبــدي شـعاعه=نـبـي لنا ســجّـه عـــلى خــير يامنــيف
مقــدار مايبـــقى عـلى الشمـس سـاعه=ميـقافـنا بـيـن الغــظى والمـشــاريف
هـذا هـــوا بـالـي وعــنـدي قـــنــاعه=ان الغـــظى يســـوا مراتــيل وجـنـيف
عــنــدي وكــلٍ له بســوقـه بــضــاعه=والـرزق عـند الله وســـيع المحـاريف
مـن ضاق ماضــاق الفـظى بتّــساعه=سج القـدم وابعـد عن الحيف والسـيف
ريّـــح ضمـيرك مابــقا لك اطـــماعه=مافـات فــات ولاتــفـــيــد الـتحـــاسيف
قــزّر حــياتـك بيــن ســــجّه وطــاعه=للواحــد المعــــبود راع التــــصاريف
دنــياك مادامــت ال راع الـــشـــفاعه=صفوة قريش محارب الشرك والزيف
واجــب عـلـيـنا نــصـرته واتّــــباعه=ونـطـبّـق الســـنّه بــكـل التـواصـيف
ونــذود مـندونه بـعــزم وشــجــاعه=والـيا اتّـفـقـنا ماعــلــينا تخــالــيف
صلّــو عـــلـيه وسـلّـمـو ياجـمــاعه=عــداد ماتمـطـر مـزون ٍ مـقــانــيف
=التوقيع نديم الجود