الحكْمْ لله ، ثمْ لأخو نوره ... وحفيــــــــــد ؟؟؟؟؟؟؟؟؟؟؟؟؟؟؟؟؟؟؟؟؟

عن سؤالك يا حبيبي لا جديد=الإجابه وحدّه في كل حال
لو ما يجري دم في وسط الوريد=ولو جبل رضوى على ينبُعْهْ مال
ولو ما يبقى ريال فأرصدة الوليد=وصرت أنا أغنى من الوليد آبن طلال
ولوّ برج اِيفل يجي وسط الصعيد=والهرم ينحطّ في أمّ العيال
ولو يعود النصر والرمز ويعيد=ماجد أهدافه على مرمى الهلال
ولو صباح تتوب عن عزف النشيد=وطاش تُوقَفْ مع قرودتها الحُثال
ولو يخَضرّ سوق الأسهم وأستعيد=كل ما قد راح لي به من حلال
ولو يصير اليورو في سعره زهيد=والجنيه يصير بألف من الريال
ولو أوباما يعود خادم للعبيد=ويُبعث معمرّ ويصبح له مجال
ولو نزور المسجد الأقصى المجيد=واِسرائيل تصير رهن الإحتلال
ولو حفيد يكسرّ بيوت القصيد=وفي بحور الشعر ما جاب الجزال
لو تحقق كل ( لو) لو ما تفيد=بس لو نفرض جدل صار المُحال
الجواب إنّي أحبك لا تزيد=لا تزيد تعيد لي نفس السؤال
لا تقول أبغى أتأكدّ والأكيد=حبك الثابت لو اِهتزت جبال
وكان لي مكسب فهالدنيا ورصيد=حبك المكسب وحبك راس مال
كل يوم أعيش حبك وأستقيد=شوق رغم إنّك بحظني لا تزال
شفت منظر شخص تايه وسط بيد=موحشه والشمس حانت للزوال
ذاك أنا والبيد لو فكرت قيد=أُنمله ، إنّي ما أحبك للثمال
كيف لحظه تشكّ يالحب الوحيد=من في حبه لكْ ، لا شك ولا جدال
اِيه أحبك اِيه أحبك ، لو تريد=أطلع المصمك وأنادي يا رجال
الحكْمْ لله ، ثمْ لأخو نوره ،،، وحفيد=حاكمٍ قلبه هوى ذاك ... الغزال

وسلامتكم

===@@ حسن علي الحجيري @@===