ياسيرت الفرسان0 يالحاتمية

اخواني اعظاء ملتقى حرب
السلام عليكم ورحمة الله وبركاتة
اشارككم بهذة القصيدة ارجوا ان تحوز على رضاكم

تناديني العذرى واللبي منادي= تقول ذا وجهي وهبتة هدية
ارسم على خدي وادخل فؤادي= اللعب على كيفك تراني مطية
معسوفة بليل(ن)شكالي عنادي=أمشي على قولك ولا اصبح خلية
قلت اقبلي بحروف وقول(ن)سدادي=وخذي مكاسيبك تراها عطية
قالت ابشكي لك بوقتي اعادي= منهم جروح(ن)وسط قلبي عصية
احد(ن)حرمني ذوق مشرب وزادي=بين الضمى والجوع حالي شقية
واحد(ن)ملبسني ثياب(ن)جدادي=لبستهن واصبحت فيهن عرية
واحد(ن)حطب ضلوع صدري عدادي=وعجزت انا لا أمشي خطاية سوية
واليوم صار الهم وغاية مرادي= لقيا ابوية قبل يلقى المنية
قلت اصبري والصبر ماهو دوادي=وحمس اللهب زانت بة الشاذلية
وصارت لنا كيف(ن)بكل البوادي=وانتي قرينتها ولانتي سبية
من شانك الخيال ركب الجوادي= ياسيرت الفرسان0 يالحاتمية

اخوكم / محمد الفالح