ودّي

ودّي بلحظة وصلك .. إن كان ودّك = وإن كان ماودّك .. ترى البعد ودّي
وإن تاه قلبي وسط .. جزرك ومدّك = رميت حبّك بين .. جزري ومدّي
شحّيت في حبّك .. وقربك .. وودّك = وأنا عطيتك كل ..حبّي وودّي
وجازيتني بالصد .. ياشين صدّك = وشلون عنّي يا حبيبي تصدّي
إن كان قلت ظروف الأيام ضدّك = أنت ..وظروفي .. والزمن ..دوم ضدّي
ياليت جدّي ..يا هوى البال جدّك = أو ليت جدّك .. ياهوى البال جدّي
أنت إن دخلت القلب .. ماحد يردّك ! = وانا إن طرقت الباب.. ماحد يردّي !
قلي وش أكثر شي..فيني يشدّك؟ = قلي وأغّير كل .. مابي يشدي