جرحي دواه الوقت وأن قيل توه

السلام عليكم ورحمة الله وبركاته؛؛؛؛؛
هـــذه القصيدة لــــشــاعر/ راشـــد رشــيــد الغيداني

قال الذي عايش زمان مــــوه=اثـــره صحيح لكل شيئ طـراوه
اصبر على ماصار وأسكت مروه=يوم الخطأ طـرده طبيعة لـعـاوه
ماكل مانبغاه ياتي بقوه=ولاكل من يزعل تجيله رضاوه
ولعيال عمي ملي رأسي حموه=وعلى عيوني عن خطاهم غشاوه
ماقابل المسوي ليا اسوا بسوه=مادام بعزوم العزيزه رهاوه
واللي يعاملني على حسب جوه= يوم حريب ويوم مثل الحلاوه
ماشب ضوي كل ماشب ضوه=أشيل عيبه والامور بهداوه
ولاخيل برق من ورا الحد نوه=وقتي مدربني بلين وقساوه
جرحي دواه الوقت وان قيل توه=لاعـودت ياجارح الجرح داوه