مامات حتى نقبره ونتشره؟............................

وافكري اللي كل هاجس يفره=قامت عواصيف الهواجيس تنحاه
مرة تعدابه حدود المجره=ومره عميق القلب بالجمر تصلاه
عزي لمن مثلي زمانه مغره=ونكبات حظه كل يومٍ تبلواه
يمشي على ماقيل من زود حره=كنه على جمر الغضا حر ماطاه
أصبر ولو الصبر فالعمر مره=إن كان قلت أصبر ويوم اتعداه
لكنها زادت على الفين كره!=الفين ضرب الفين مليون زدناه
يعني بهاذيل الزمن مستمره=من عرفتي للعلم والحظ ننعاه
مامات حتى نقبره و أنتشره= ولاحي حتى مثل خلق الله القاه
باخر نفس من خلقته زاد شره= لو ارفعه يطيح با الارض مامداه
يكمل وقوفه لعنبو من يبره=انا أشهد أنه خايبٍ من ترجاه
ليته يصادفني بواقع وجره=واعدم كيانه واحرقه وانفخ رفاه
حتى مايبقاله مع الناس جره=ولا اشوف حيٍ عايشٍ مثل بلواه
والقى جميع الناس عاشت مسره=وكلٍ يعيش بدنيته ماتمناه
وأنا بعد من عرضهم مستقره=نحيا بسلام وطالبين الله رضاه

كحيلة حرب=