>>>.... عفو الملوووووووك .....<<<

السلام عليكم ورحمة الله وبركاته


مساؤكم مسك


ابيات تعبر عن نفسها


ارجوا ان تحوز على رضاكم وترتقي إلى مستوى ذائقتكم الشعرية

الكلمة اللي مالها عند الرياجيل اعتبار=كان انت شايل همها حنا ماشلنا همها
تمرنا مثل الهوى ونمرها مثل الحرار=أتفه من إنا ننزعج منها وننظر يمها
مادام نظرتنا تجاوز بالطموح آخر مدار=خل الرخوم من القهر تزعل وتحرق دمها
ماني وراء اللي ماتمس وجيهنا طلاب ثار=تطلع ومرجعها على اللي وسط صدره ضمها
لو انها من تحت كم البشت يلقطها الردار=ماتمشي العوجاء علينا لو لفتها عمها
لكن مادام إنا لنا هيبه وتقدير ووقار=عفو الملوك اللي يعم المذنبين يعمها
الله يعز المملكه بقيادة طوال العمار=اهل البشوت اللي يلوذ المستجير بكمها
في ظفهم ماعاشوا عيال الوطن تحت الحصار=والذيب لو يقنب على ظول الغنم ماهمها
هذا كلام الشاعر اللي لاتكلم بأختصار=له كلمةٍ يفهم هدفها الحر قبل يتمها
وإلا الغبي مايفيق زين إلا لامن الملح ثار=ولاينزعج من ريحة البارود لين يشمها