غزليات

نظرا لقصر القصيدتين حطيتها بصفحة واحدة ..ولكم التقيـيم
(سـارقـة روح )

من غيبتك ذقت العنا ياهوايا = من غيبتك امشي على غير مصلوح
امشي ومدري فين خط النهايا = هذي خريطة حب لها باب مفتوح
من حضرتك ياللي سكنتي حشايا = انتي ترى لاشي سوى سارقة روح
ياتذبحيها ياتردٍي شقايا = في حكمنا يرحم ضعيفن ومسموح
بالله دقيقه ابسألك لي معايا = ترسل عيونك شيٍ ماهو بمفضوح
امشي مع العالم ولاكن بلايا = يوضح علي اللي خفى مابه وضوح
راع الهوى تكشف عليه الخفايا = عينه تشوف اللي عن الخلق ممسوح
محلا غرام اللي لبس له عبايا = يودع كبير السن طايح ومجروح

(عقب البطى )

عقب البطى شفت الغضي ماعرفته = تمشي على حكم الشريعه ظروفه
لولا شذى عطره سرى ماذكرته = لابس عباته مابقى شي نشوفه
دمعي حبسته صابرن ثم نثرته = قمت اتذكر في محاسن وصوفه
ان شفتها شفت القمر حين شفته = ون فارقتني فالقمر في خسوفه
عشقي لها من منهجن ماخلفته = حد الشريعه مارضينا نطوفه
اما على وضح النقى ان عشقته = ولا ترى بعض المحبه حسوفه