أمنت بالرحمن وكفرت بالجبت

غبت .. ورجعت .. وجبت .. لا تسأل شـ جبت ..؟؟=وإن قلت لي " وش جبت " ماني .. بــ قايل ....!!
لكن .. تذكـّـر .. مثل .. ماينبت ... النبت .........!!=حبك نبت في وسط قلبي .... خمايـــــــل .........!!
السبت .. لآمن .. راح .. جاء بعده .. السبت ...!!=بس أنت لآمن رحت مالك .... بدايـــــــل ........!!
ما أقول .. ذبت بـ داخلي .. ( سالفة .. ذبت ) ...!!=صارت قديمة وأنت بــ القلب .... ســـــايل ..........!!
من قال إنك غبت ..؟؟ .. يكذب .. فــــ لا غبت..!!=يـ اللي رصيدك وسط هـ القلب ... هـايــــــــل .......!!
جتني حروفك .. طابت حروفك ... وطبت .......!!=يــ اللي مع البـــاقين مالك .... مثـــــــايل ..........!!
أبشـّـرك .. دامك نصحتن .. أنا .. تبت .........!!=تايب لـ ربي من ... ( عظيم ... الفعايـــــــل ) ........!!
كبتّ روحي .. عن هوى دنيتي .. كبت .........!!=من فضل ربي ما لـ غيره ... " جمـــايل " ...........!!
شفني شباب .. وأوعدك .. لو أنا .. شبت .....!!=ماأنساك لو شمـّـر نست حبّ .. حايـــل ..........!!
يمكن بـ حرفي .. صبت .. ويمكن .. فـ لا صبت=لكن أحاول فيك كتب ... الجزايــــــــــل ..........!!
ماهبت غيرك .. بس .. في حضرتك .. هبت ...!!=هبت أكتب حروفي لو الشكّ ... زايـــــل ........!!

قرأت البيوت السابقه وهى على مااظن للشاعر نواف الفهاد وأعجبتني أيما اعجاب لسلاستها وعذوبتها ورقيق مفرداتها ورائع بنائها وجمال حبكها وسبكها ولعلها وافقت شىء ما فى نفسي فلم أستطع أن أقاوم رغبتي بمجاراتها فلقد كانت كالنسيم العليل الذى قلب صفحات الذكرى فتطايرت الاوراق
وتدفقت نسمات الذكرى الرقيقه لتزيح الستار عن مشاعر طواها النسيان
فإليكم أيها الاعزاء ردي ومجاراتي للقصيده السابقه متمنياً أن تعجبكم قصيدة الفهاد ومجاراتي لها.....

type=0 line=0 align=center use=ex num="0,black""]
قريت قاف(ن) من جماله تعجبت=حبك(ن) وسبك والمشاعر دلايـل
شعر الغزل لو كان منه تهربت=عيني على زين المعاني تخايـل
يمكن مضت أيام لي فيه جربت=لو كان تجربتي بوسطه قلايل
لاشك دربني وأنا فيه دربت=وأخذت حذري من جميع المسايل
وأثره غطاني لين منه تشربت=وفتحت له فى داخل القلب فايل
وأبعدت عن درب المخاطر وجاوبت =وسألت قلبي قلت وش أنت شايل
وصارت أرسومه أبعد من هضبة التبت=وقطعت من دونه كل الوسائل
وأبعدت بالديره وعنه تغربت=عله يزيح الهم حمل وثقايل
ومن باب نصحي ياملا فيه عذربت=لعل يسمع جابتي كل سائل
أبعدت بالنجعه وعنه تغيبت=وحذرت عن دربه رجال الحمايل
وأمنت بالرحمان وكفرت بالجبت=وكل(ن) على دربه يسوق الرحايل

[/po

em]

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

ياسلاااام عليك .........يانادر
صح لسانك والله يبيّض وجهك
هُنأألأبداااع يتجدد ..تحرفنت بصياغة ماكتبة ماشألله عليك

تحياتي وتقديري لك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يالنادر
مجاراه رائعه
ابدااع
داام تميزك اخوي
احترااامي

لاهنت وصح السانك

تقبل التقدير والاحترام

وفقك الله

رابح الجحدلي و تركى العماني وبن فرهود الحربى وسعودية و الجرح

صحت أبدانكم

غاية السرور ان يتعطر متصفحى ويتشرف بكريم مروركم ونبيل شعوركم

دمتم بخير وسعادة وسرور وحفظ من الله

النــــــــــــــــــــــادر
صــــــح لسانك مدد بلاعدد

بيض الله وجهك على هذه النادره

لاهنت طال عمرك

ناهس الشعيفاني

صح بدنك ووجهك ابيض
وكل الشكر والتقدير على مرورك المميز ونبيل مشاعرك
دمت بخير