ديوان الشاعر طارق عبدالرحمن ( أبن وازن ) الجحدلي

ابن وازن =
سلام ياعد من نبعه = فيه الصفا واعذب الاوصاف
حرفي يطوف البحر سبعه = فبوت المعاني مع الطواف
الطواف =
ترحيب مايختلف وضعه = باقي على طيّب الميقاف
ولابان منك المثل صُنعه = نسعى معك والحمول خفاف
ابن وازن =
يـاسـيـف تـبـقـى لـــك اللـمـعـه = تشهر على الحق والانصاف
حــايــر وطــــرز لــكــم بــدعــه = المشتكـى فـي معانـي القـاف
الطواف=
طـــــابـــــت مــنـــابـــيـــك والــســـمـــعـــه = وكسبت قدر الرجال اضعاف
والــلــي صــغـــى لـلـمـثــل سـمــعــه = لـــــــلآن مـــاشــــاف لـــــــه اهـــــــداف
ابن وازن =
ماجـاد طـب الـهـوى نفـعـه = للى مثل صاحب الاعـراف
قلبى انجرح والسبب دمعه = طاحت على خده الشفـاف
الطواف=
هـــــــذا هـــــــو الـــــــود فـــــــي طــبــعـــه = يــــجـــــرح ولايــــرســـــل الإســــعـــــاف
يـبـغــى الـمـخـالـيـق فـــــي طــوعـــه = تحت الأسر في عنا واجحاف
ابن وازن =
تولـع بعـد مانطفـت شمـعـه = ويعود جفن العيـون لحـاف
كيف اضبط اشواق مندفعه = فبرد الشتا والمناخ الجـاف
الطواف =
مـــــادام الأشــــــواق مـرتـفــعــه = والود ماهو بصفّك صافّ
تـبـقــى كــــذا خــــارج الـدفـعــه = الـــــــود مـايـنـجــبــر لاعــــــــاف

أبن وازن =
ســـلام فـــي لـوحــه الـرســام = ومزخرفـه مـن معانـي الـفـن
علـى النخـل الجـريـد انـظـام = وبعد السعف شوكها ونسن
هزيم الرعد =
من قلب فيه الوداد التام=أهلاً هلا مرحبا وأهلن
دامك على الطيبّة قدّام=لا تلد فاللي يسيء الظن
أبن وازن =
عسى البقى والنصيحه وسام = في داخلي حله تسكن
سهيل والجاه يا مقدام = مع الثرياء اذا تركن
هزيم الرعد =
تسلم وأنته من الأعلام=لجلك على الطيّبة والقن
دخن اليمن ما زُرِع فالشام=وكل عود إليا إحترق يدخن
أبن وازن =
حلم أبنا ساسه الاوهام = ظل الحقيقه بها يمكن
زاد الأسا في سمانا دام = ما يغتني صاحبه ويسمن
هزيم الرعد =
محـدن تغـيّـر مــع الأيــام =بـان الـذي فالخفـا يبطـن
ولا شفتها عضّة الإبهام = أفعل كما يفعل المحسـن

غريب الحرف=
سلام والقيل له تثميـن=نبغى عليه اللحن هـادي
ومنه قدر للمعونه يعين=بانغام يطرب لها الشادي
ابن وازن=
ترحيب معنا المعاني تلين=وترقى على مبنى الامجادي
في لوحه الفـن والتزيـن=غريب حرفك ماهو عـادي
غريب الحرف=
زان الصفا وأسمع التلحين=وإنـت مـن القيـل روادي
لاجاك غور المثـل ويبيـن=عطنـا إفــادات يـامـرادي
ابن وازن=
زخرف جمال المثل فالعين=والجود من جود الاجوادي
وبين لنا النون والتنوين=بالوصف ارسم لك اعدادي
غريب الحرف=
هون يجيك المثل بعدين=اللي عليـه الامـر جـادي
كثر السهر أتلف العينين=أحرق فـؤادي مـع ودادي
ابن وازن=
لا باس ياشاعر الجيلين=قايد ومثلك ما ينقـادي
لو تشتري ودهم غالين=مادام قلبك به اجهـادي
غريب الحرف=
سبعـه سنـاوات يالمفتـيـن=وأنـا علـى جمـر وقّــادي
كل ماحصل للأمر تحسين=يرجع كما كان في البادي
ابن وازن=
ذي لوحه الوقت والتلوين=تثبت مع الوقت وتزدادي
وأما صبر ثابي التكوين=والأ هجر تترك المـادي

أبـــــــــــــــــــــــــــــــــــــــــن وازن =
مـادامـت انّــا عـلــى بـالــك = أكـيــد انــــت عــلــى بــالــي
ســلام مـاهـو لــك ألحـالـك = لـلـكـل فالمـلـتـقـى الـغـالــي
بـــخـــيـــتــــان الــــبــــشـــــري=
لاطـبـت بطـيـب لــك فـالـك = ويطيـب لاطبـت لـي فـالـي
تـرحـيـب بـالـكــل وبـحـالــك = مادمت في صرحنا العالي
أبن وازن =
تسلم علـى طيـب موالـك = ويصفى لك العد وزلالـي
وان كـان جـوك بيهنالـك = دون المطر غيم يهنالي
بخيتان البشري =
تهنـأ لمـا يـلايـم احـوالـك = وجوّي به ادرى ويحلالي
والآن مـــاعـــاد يـبـقــالــك = غير الجزل كـان يبقالـي
أبن وازن =
الشين والنون مع..دالك = نهايـة الجـيـم فــي دالــي
عــد الـعـدد كـــم تهـيـالـك = وعـــد لـــك كـــل مـعـدالـي
بخيتان البشري =
اربعمية سرعـة ارسالـك = وسـتـيــن تــــردده آلـــــي
وثلاثـة اطـقـم لتجـوالـك = بين الكواكب و تجوالي
أبن وازن =
أطفي ردارك انا قبالك = ياملبس الوصف خلخالي
غالي في حلك وترحالك = ثابي لك العز منزالي
بخيتان البشري =
حسب الـذي بـان فاقوالـك = البسـتـه الـوصـف بقـوالـي
قـدام سـاهـر لا يصحـالـك = ركز معـي زيـن وصحالـي
حـنــيــن الايـــــام ســوالـــك = مـركـبّ الــروح لــو جـالـي
وختامها الوصل بوصالك = يبقـى علـى دوم ميصالـي

أبن وازن =
معنا مزخرف بعرض وطول = ســــــلام لازخـــرفــــه مــعــنـــا
لاهـل المعـانـي ازف الـقـول = يـــا هـزيــم تـسـمـح تشـرفـنـا
هزيم الرعد =
رصّعت رسم المثل بأصول = وأحـلـى الديـابـيـج تُسمـعـنـا
ترحيب فيـه الوفـا موصـول = وجدي على حـرف يجمعنـا
أبن وازن =
عسي البقي والجهد مبذول = مــعـــاك يـــــا راقـــــي الــفــنــا
بفـن الهـوى نبلـغ المـامـول = نبـحـر مــع الـصـور والسـنـا
هزيم الرعد=
لجلك على المنطق المعقول = تمـشـي عـلـى الـعـرف والقـنـا
هــذا بـحـر بالحـديـث يـطــول = خــضــنـــاه حــــتــــى تــمــكــنــا
أبن وازن =
فـي تجربـت قايـد الاسطـول = ســــــــوال وافــيـــدنـــا عــــنـــــا
فبحر الهوى نصبه مسئول = يـخــرج مـــن الــنــار لـلـجـنـا
هزيم الرعد =
مـــا شــفــت للـمـسـألـة مــدلــول = حــتـــى الإفــــــادة تـــجـــي مـــنـــا
ما هي طراقة ولا هو و فضول = لـجـل ايــش قـلــب الـفـتـى غـنــا
أبن وازن =
اسمع لحن قلبي المشغول = مــن نـبـض مشـاعـره حـنــا
يشـكـى الــم وده المـهـمـول = بـعـد الـهـوى هـــب وهمـلـنـا
هزيم الرعد =
ما كل منهو عشق بينول = الـــلـــي تـــرجـــاه واتــمــنـــى
سـم الهجـر بيّـن المفعـول = وهـذا الـذي يـصـدق الظـنـا
أبن وازن =
يبقـى فظـل الوصـل ويـزول = والــعــيــن لـــلـــود تـوصـلــنــا
حل الجفى بالعيون فصول = وتــمــوت خــايـــف مـودتــنــا
هزيم الرعد =
لا صار بين الأحبة قبـول = فـــي مـســرح الـــود نـتـهـنـا
وآشوف حظك معه فميول = يجـنـي والأشـــواق تتـجـنـى
أبن وازن =
أنظـر بعيـن الــذي مشـلـول = مـاكــن فـيـهـا ألامـــل كـنــا؟
قلبي فيوز الجسم مفصول = الكـهـربـاء كـيــف تاصـلـنـا؟
هزيم الرعد =
قلـبـك عـلــى ودهـــم مـجـبـول = الـــــــــــود حـــــنــــــا تـــوطّــــنــــا
ان كان سلك الوصل محلول = مــــن واجــــب الـــــود تـتـعـنــى
أبن وازن =
سيف الهجر للوصل مسلول = يـقـطــع امــــل فــيــه هـاجـرنــا
وشالحل في دربى المقفول = ومـشــكــور قــــــدام تـخـدمــنــا
هزيم الرعد =
قلـبـي كـمـا قـلـبـك المـتـبـول = مــن يــوم هـانـت مشـاعـرنـا
غير الصبر ما لقيت حلول = ويالله عــســـانـــا تـجــمــلّــنــا

بن مريع =
يـبــن وازن بـغـيـت اســــوم = جنـيـة مــن الـذهـب غـالـي
مـاغـيـرة فـالـزمــان وســــوم = ولمعة على العين يحلالي
أبن وازن=
ويــن التحـيـه يــاراس الـقـوم = الـــلـــى فـمـعـانـيــك تــبــدالــي
والـسـوم بـعـده جـنـيـه يـقــوم = فسوق الذهب صافي أقوالي
بن مريع =
حتى يصير اللحن مطعوم = وتذوق يا طيب الفالي
نبغى نغوص البحر ونعوم = وناصل على الغب طوالي
أبن وازن =
عـادات بـيـن الـعـرب وسـلـوم = ومعنـا مايسـوي معـي ريالـي
وان كان وسمك من المعدوم = يــابــن مــريــع مـــــا يـزهــالــي
بن مريع=
أعجبتني بردك المرسوم = ومثلك معلم للأجيالي
أنا اشهد انك وريث قروم = خيال من ظهر خيالي
لكن أبنشدك يالزيزوم = عن بنت في ضهر رجالي
في عينها سهمها المسموم = و إلها على الدرب منزالي
أبن وازن =
من قال يسلم لنا ويدوم = يا طيب الساس والخالي
وراعي الادب مثلكم محشوم = بيناتنا له قدر عالي
اللى وقع فحبها مسهوم = ساهر على العاج مازالي
عساها تبقى بسبات النوم = متصيدنا ونخصر المالي

بــحــر الـكـســره =
ياهلال عطنا من الكسرات= والقاف احرص على وزؤنه
لابد ماتنتهـي الحسـرات = ناخذ من الشعـر وفنونـه
أبـــــــــن وازن =
بعد انتهت اكبر العثـرات = هلال خليه فـي اسكونـه
بقضي معك اجمل الاوقات = عطنـا معانيـه والحونـه
بــحــر الـكـســره =
يامرحبا زانـت السهـرات = ناخذ من القاف وشجونـه
اقضي معك اجمل الساعات = القاف افرج مـن سجونـه
أبـــــــــن وازن =
تسلم وليا الشرف بالـذات = بسهر معاك فالهوى ولونـه
بشكى لكم واسمع النغمـات = من داخل القلـب مكنونـه
بــحــر الـكـســره =
ترى الهوى يعطي الذعات = اسهوم ترمي مـن عيونـه
يزيد قلبك مـن السرعـات = والـروح بالـود مجنونـه
أبـــــــــن وازن =
خال المزن سبب المأسات = بعد العشـم فيـه بمزونـه
قلبي توقف عن النبضـات = هب الهوى عكس مضمونه
بــحــر الـكـســره =
النحل مايتـرك اللسعـات = لكن لنـا طـب يعطونـه
يشفيك لا جاتك الزفـرات = يعطيـك فالـود قانـونـه
وان كان لاهدافهم نـزوات = لا تجعل النفـس مهيونـه
ابعد عنه واكسب الراحات= قفل علـى البـاب كالونـه

ابن وازن =
بجزل المعاني نطرز عقـد = كــان الـقـلـم للـحـبـر راقـــي
ســــلام بــعــداد مــــا يـنـعــد = جزل المعاني على اوراقي
ابو مبارك اليوبي =
تكفى وعجل علينا المد = العيـن والـروح تشتـاقـي
يامرحبـا ياعريـب الـجـد = الجزل والطيـب متلاقـي
ابن وازن =
فــيــك الــوفــا يـعــيــون الــعـــد = يـانـبـض فـيــك الــوفــا بــاقــي
شوف المزن فالسماء والرعد = والـخـيــر بـيـجـيــك فـالـحـاقــي
ابو مبارك اليوبي =
جلست في موقفي ورتد = هذا النظر حرك اشواقي
اخاف مـن يومنـا يشتـد = وبــل الحـيـا فـيـه بـراقـي
ابن وازن =
برق المعاني يثير الحقد = يفتح طرق يحفر انفاقي
وقال المثل ماتصفـق يـد = لا بـعــدت يـــد بـصـفـاقـي
ابو مبارك اليوبي =
بعض المعاني لها مقصد = مـيـذمــره جـاهـلــن عــاقـــي
تلاحـم اهـل الصـفـا يـجـرد = الـحـقـد ويــــذوق مــاذاقــي
ابن وازن =
البنـك يصـرف جنـيـه النـقـد = مـن حقـه لاشــاف ماطـاقـي
وللـقـاف نبـغـى نقـيـم الـحــد = وكيف يوقف الحال يارفاقي
ابو مبارك اليوبي =
خـلـه عـلــى حـرتــه لاتـلــد = الــغـــل فــالـــروح حـــراقـــي
ياصاح مهما العلوم اتجد = تـلــقــى مـعــتّــق وعـتّــاقــي

سالم البشري =
لاتشرّق ان جيت وتغرّب = باسألك لاتقول مااعرفشي
عن حالة انسان متغرّب = في عالم الود ماطَالشـي
ابن وازن =
سالـم بمغـراب ويغـرّب = ويطوي العشب طيّه الفرشي
واللي مـن الـود يتقـرّب = مسافـة العيـن والرمشـي
سالم البشري=
جاني أبو معاذ متدرّب = فالقيل ماقال ماقْدرشي
والحظ لاجابلي مجرّب = أبغاه ينقش على نقشي
ابن وازن =
جيتك من النيل متشـرب = واقول للقاف مايحكمشـي
وذا فننا تسمعـه تطـرب = وتقول يالهوي مايحصلشي
سالم البشري =
لمّا اسأله ليه يتهـرب = من يأس قلّي ماتفرقشي
ياراجل الوضع متكهرب = عجل بافاده ماتحترشي
ابن وازن =
باسلوب منه الأمل قرّب =قدام الاخطار تكبرشي
يمكن يعوّد ماتستغرب =وتعين صاحبك ماتسيبشي

بحر الكسره =
ظرف الزمن حيل يبعدنا = الـقــلــب مـشــتــاق لـحـبـابــه
والــيـــوم يـاحـبـابـنــا عـــدنـــا = مـن بـعـد مـازالـت اسبـابـه
ابن وازن =
يامـرحـبـا الـقـيـل يـسـعـدنـا = لا دار مـابــيــن اصـحــابــه
وحنـا معـك جنـب ماحـدنـا = في اصعب الوقت واطيابه
بحر الكسره =
شـــرواك بـالـجـود يعـجـبـنـا = دام الــوفـــى انـفــتــح بــابـــه
لـي جـرح بالحيـل متعبـنـا = كثر الالم زاد في نصابه
ابن وازن =
من خيرك الجود ماجدنا = وتسلم من الشر واسرابـه
يا مشتكـي الجـرح جودنـا = بالـعـلـم والـطــب نسـعـابـه
بحر الكسره =
مجحود طبه ولا طبنـا = النـار فالجـوف شبـابـه
الحال مما جرى شبنا = والعين بالدمع صبابـه
ابن وازن =
ان دندن الناس دندنا؟ = ونتبع هوى ناس كذابه
يــاطــيــب والله مــعــادنـــا = وحنا مـع الحـق طلابـه
بــــــــحـــــــــر الــــــكــــــســــــره =
مــايــوم للمـشـتـكـى عـبـنــا = الــكــاس نـعـطـيـه شــرابـــه
بـالـحـل نـسـعـى ومـاغـبـنـا = الــجـــرح راعـــيـــه يـــدرابـــه
ابـــــــــــــــــــــــــــــــــــــــــن وازن =
كـل جـرح لـه طــب واردنــا = والـعـلـم مـحـفــوظ فـكـتـابـه
كــــان أنـجـحــد لا يـنـقـدنــا = ويابخت مـن مـات بثيابـه
والـلــى بجـاكـرتـه يـحـددنــا = يبعـد عـن العـلـم ماصـابـه
غـيـر الصـبـر مـــا يقـيـدنـا = وذا أخـــر الـحــل تـرضـابـه