ردي على الشاعر الكبير حمود محمد العرافه

هذه قصيدة الشاعر / حمود محمد العرافه

مل قلبن محتديه الوقت يابو سامي=محتديه الوقت الاقشر لين شيب عينه
ماشكيت الوقت جيعانن ولاني ضامي=ولاشكيته من فراق اللي يغيض بزينه
مير شفت الوقت دار ودارت الأيامي=ومن خفايا الوقت بالايام شفنا عينه
لو بغيت اصد همي واقفن قدامي=يحتريني مثل ديانن يدور دينه
واقفلي بالطريق مركز الاعلامي=واحدن بيسر حمود واحدن بيمينه
والسبايب بينت وانا منول كامي=كاتمن سري وقلبي بالصبر كاوينه
كم سنه نسمع وندرى غلطة الاقزامي=والسموع مسكره من يمهم بالطينه
اقرب العربان دايم ميسمه لك حامي=مايحسب حساب في شينه ولا في زينه
والله اني لو بغيت اعد بالاسامي=ما احتريت العلم تاتيبه رجال جهينه
القصيره في يميني والفشق بحزامي=والمعاني واضحه والرد منك بحينه

وهذا ردي على القصيدة :

مرحبا باللـي تناسـا سنـة الاسلامـي=من همومه ياعسـى رب العبـاد يعينـه
يشتكي من جور هـم الوقـت مايلامـي=الزمان الشين لأقبل مارحمـت سكينـه
يارفيقي واصل الصبر الجميل السامـي=من صبر يحصد نتيجه ماصبـر بسنينـه
مالك الا الصبر لاجل تحقـق الاحلامـي=لاتفكر في قسـا وقتـك ولافـي لينـه
الزمن لاشان يبغى من الرجال اعصامي=كل ماشد الزمان يزيد في تمكينه
وانت عاقل تعرف المهجاد والمجهامـي=ماتغرك ضحكة المبغض وصفق يدينـه
والسبب لابان زالت غيمـة الاوهامـي=اترك الماضي وفكر بالوضـع هالحينـه
لاتثيرك شلة الاقـزام وانـت اقطامـي=مايصيد الا الجزل والحـر مـن تلقينـه
وان طلع لك من قريبين الربوع اخصامي=وضعك اللي تذكره بعض العرب شاكينه
لاجل عين أكرم مدينه والهدف لك زامي=ارفع الدربيل فوق اخيـر مـن تطمينـه
ولاتـدور يالعرافـه للقضايـا محامـي=دام موضوع القضيـه عندنـا منهينـه
واحتزم بي كان جالك من بعيد اقوامـي=كل شـئٍ لاجلهـم ياصاحبـي حاسينـه
انت رامي واعتبرني لك مساعد رامـي=المهم ان العـدو مهمـا يكـون نهينـه
جاك رد العلم منـي والسـلام اختامـي=والرفيق اللي سواتك ينصـر الله دينـه

ونعم في حمود محمد العرافه


ونعم فيك يانداء


ونعم في الغيادين كافه


صح السان العرافه


صح السانك يانداء


بارك الله بالعرافه


بارك الله فيك يانداء


موفق خير يالعرافه


موفق خير ياندء


سلمت ودمت يالعرافه


سلمت ودمت يانداء


لكم جميعاً مودتي وتقديري

صح السان الشاعر حمود العرافه وصح السان الشاعر نداء الغيداني

لكم مني جزيل الشكر وتقبلوا تحياتي

الشاعر نداء الغيداني صح لسانك على الرد الجزل والوافي من شاعر متمكن
وصح لسان الشاعر حمود العرافه
تحياتي للجميع

الشـــــــــاعر
نداء الغيداني

صح لسانك

وصح لسان
الشـــــــــاعر

حمود العرافه

تقبل مروي

صح السان الشاعر حمود العرافه
وصح السانك يا شاعرنا نداء الغيداني

لقد استمتعت بهن اكثر من مره
ونا اراجعهن وطلعة في دره وفايده
تحياتي لكم

صحت السنتكم
والله يـعـطـيـكم الـعـافيـــــــــــة

بيض الله وجيهكم

صحــت السنتكــم
دمتم برعاية الله وحفظة

الله الله الله

صح لسانك يا ابو سامي على هذا الرد الوافي الكافي الشافي

و عادتك الصدااااااااارة و الإبداع ..... و صح لسان الشاعر

حمود العرافه

الاخ العزيز الشاعر القدير نداء الغيداني

سلمه الله



اشهد بالله انك رديت الرد الشافي والكافي ومليون صح السانك وصح السان العرافه


ماتجيب الا الجزلات يالجزل


لاعدمناك

وبيض الله وجهك



تحيتي وتقديري