من حرب وافين المكارم و الأديـان

سلمت و دمت يالسبيعي و صح لسانك و الله يرحم جردان العوفي

السلام عليكم ورحمة الله وبركاته
سلمت ودمت أخوي الشاعر جسار السبيعي على القصيدة .
.
.
جزله ورائعه وصح لسانك
أخوك ابوساره

صح لسانك ياجسار الله يعطيك العافية والممدوح يستأهل المدح
مع الشــــــــــكر الجزيل والله ونعم يالسبيعي .

الشاعر القدير والاخ العزيز جسار بن عايض السبيعي

سلمه الله


يامرحبا تراحيب المطر
وبيض الله وجهك على وفاك
والله يرحم جردان ويسكنه جنات النعيم وبيض الله وجه عياله اللي يحيون طاريه

وبيض الله وجه زملينا حميدان

ومليون صح السانك

وعلا شانك

قلت واجزلت
لاعدمناك ياجسار

والله يحفظك ويرعاك يالوافي



تحيتي وتقديري لشخصك الكريم
مع اطيب المنى رعاك الله

صح لسانك
..
..
أسجل اعجابي بالقصيدة
..
ويعطيك العافيه
..

	المشاركة الأصلية كتبت بواسطة جسار السبيعي

	السلام عليكم ورحمة الله و بركاته مساءكم الله بالخير جميعن انا اخوكم / جسار بن عايض السبيعي من اهل بيشة و قد دعاني الاخ العزيز / حميدان بن جردان الحربي الى التسجيل بهذا المنتدى و ابو ناصر رجال عزيز علي و والده/ جردان بن معيض العوفي الحربي الله يسكنه الجنة كان صديق و رفيق لي و الله و نعم الرفقة . فماذا اقول عن هذا الرجل الشهم الكريم السخي جردان الحربي و الله يا اخوان ان اللسان يعجز يعبر عن هذا الرجل عسا الله يسكنه الجنة . و الحمد لله ان عياله رجالن مثله و رجالن كفو و يعلم الله اني ماقلت هذا الكلام اريد من وراءه شئ من امور الدنيا او انه كلام نفاق . و لكن يعلم الله ان هذا كلام الصدق و الواقعي. فقد قلت هذه القصيدة قبل وفاة اخوي و صديقي/ جردان الحربي اسال الله ان يسكنه جنات النعيم سلام يا حميدان مـن قلـب ولسان=إعداد من صلى و صـام رمضانـي و إعداد من طاف الحرم زين الاركان=و سعى مع المسعى يريد الحسانـي أسلم و سلم لي على الشيخ جـردان=هيف السميـن لمـن جـاه عانـي جردان من رؤوس المناعير جردان=طيبـه يعدونـه طـوال اليمـانـي من حرب وافين المكارم و الأديـان=و العشر عنـده مـا تعـود ثمانـي قسمه مع أهل الطيب وافي و. وكدان=و ما قدّر المولى على العبـد كانـي سلم على ربعـك طويليـن الايمـان=الحـي و الميـت عسـاه الجنانـي ربعك لهم في ساحة الطيب برهـان=رجالهـم يبـدي بـرأس البيانـي صديقهم يبـدي علـى رأس مابـان=و مقدمٍ عن كـل قاصـي و دانـي و قصيرهم يكرم و لا هـوب ينهـان=و تقلط يمينه فوق حيـل السمانـي هاذي عوايدهم على طـول الأزمـان=عز الخـوي و يكرمـون العوانـي ذكرتني مافـات ياطيـر حـوران=و عساك تسلـم ياكريـم السنانـي ماني بعنكم يابيض الوجه نسيـان=لكن ظروف الوقت غصب تحدانـي لدياركـم قلبـي شفوقـن و شفقـان=و لولا ربوعك ما بغيـت المكانـي يتلنـي رفقـة شبابٍ و شيـبـان=الـلـي زرعنـاهـذاك الزمـانـي رفقة شرف بنيت على جسر سيسان=ماهـيب رفقـة مخلفيـن المعانـي يا زينها في حلها يا أبـن جـردان=بين الرجال أهل الوفاء و الكيانـي اقبل تحياتي عـدد وبـل الأمـزان=و المعذرة مـن طيبيـن الأخوانـي و سلامتكم اخوكم/ جسار بن عايض بن مرضي السبيعي

الاخ جسااااار بن عايض السبيعي صح لسانك وسلمت يمناك
مدحت من يستحق المدح ويستاهلون حرب وأنت تفعل العلم
الغانم والله يرحم جردان رحمة واسعه ومن أخر عيال وافين
ما مات يالقرم والله يديم الوفاء والتوااااصل بين النشاما,,,