(1498)لغز سهل بس يبي تفسير=محلول ( الحليب)من مضحي بن جمران صح لسانه

أقدم لكم هذا اللغز السهل من تأليفى ..ولكن أرجو أن يوضح لنا من يحله كيف تنطبق على اللغز كل الاوصاف المذكوره ....

يامن يحل اللغز ويفهـم مـعـانيه=لغز(ن) يعرفه كل جاهـل وقارىء
رجلٍٍ عجيب ودايم البـدو تغـليـه=عند الحضر مابين بايع وشارى
ليا جهلت وواضح الاسم تـبـغـيه=بين الكواكب والنجوم السـوارى
جيرانه الشـيـنيـين مأثـروا فيه=من بينهم يجرى مع الدرب جارى
في أيـتـيـن تـلقا أسمه وطاريه=لا تضيع التفكير ببحر الطواري

صح لسانك يانادر وبيض الله وجهك

وش تقول في الدلو
وسميه برج الدلو بين الكواكب والنجوم
والدلو مذكور في القرآن في سورة يوسف

صح لسانك يانادر النادر وبيض الله وجهك
لغز رايع الله يعطيك العافيه
جاري التفكير

صح الله لسانك يانادر على اللغز الطيب
وش تقول في اللبن

صح لسان نعم ايد رمعة الحليب

خلاص انا اعتبر اللغز انحل (اللــبن ) من بين فرث ودم ورد في ايتين

الاخ نادر النادر اسعد الله مساك
ارجو الرد على الاخوان الذين شاركو بحل هذا الغز الرايع
شاكر لك مشاركتك الطيبه

اشكر الاخوة الكرام على المرور الكريم وأسف على التأخر بالرد نظرا لإنشغالي
والجواب الصحيح اللبن لعلى ابين واوضح بعض ماقصدته بتركيبات اللغز فمن ناحية حب البدو له وانه عند الحضر بين بايع وشاري فهذا معروف
أما على المتاهه والتسهيل بنفس الوقت ان أسمه نجده بين الكواكب والنجوم فطبعا مجرتنا التى بها كوكب الارض تسمى التبانه او الطريق اللبني اما عن جيرانه الشينين فمثل ماذكر الاخوة الكرام انه يخرج بين فرث ودم وكذالك مذكور فى ايتين كريمتين بالمصحف الشريف
للجميع سلامي

صح لسانك يانادر النادر على اللغز الرائع فعلاً

وصح لسانك يابواحمد على الحل وبيض الله اوجيهكم جميعا ماقصرتم