ديوان الشاعر طارق عبدالرحمن ( أبن وازن ) الجحدلي

بن وازن=
سلام فالمبتدى يـا رجـال=على النقى يا وجيه الخير
لو قربكم ينشري بالمـال=لشريه واكتب عليه تحذير
سبحان من غير الاحـوال=اللى خلق واحسن التصوير
يبقى الوفا فالصدور يشال=دامك بظهر الوسيعه تسير
أبو يزيد=
ترحيبنا ياعريب الخـال=ياصلك سرعة بلا تاخير
ياحر عن ماقفه مامـال=منزالك الطيب والتقديـر
وشرواك له قدر ماينزال=وافي ولايلحقـه تقصيـر
ما يختلف لو زمانه طوال=وفي ماقفه مايجي تغييـر

ابن وازن =
انت وانا والكلام ابداع = والقيل يحـي ليالينـا
اما انتكلم عن الاوضاع = واللاء انتكلم بما فينـا
هزم الرعد =
اثنيننا فالبحر له بـاع = نسري على النجم للمينا
والسوق ما حيّر البيّاع = وللمشتري حق يا اخينا
ابن وازن =
ابحر بمركب بدون شراع = فالوقـت ضيـع امانينـا
ودام الهوى فالقلوب اقناع = لا ويـن الـود يعضينـا
هزيم الرعد =
اللوم ما يجبر الملتـاع = اللي من الوجد ناصينا
بحر الهوى نعرفه خدّاع = لكنه الشـوق يرمينـا
ابن وازن =
اثنينهم فالبلـد صنـاع = البخت وهذا البحر زينا
شوقي غدى يطرب الاسماع = لمكحل العيـن يازينـا
هزيم الرعد =
اللي انكتب هل عليه إجماع؟ = لا ويـن تبغـى تودييـنـا
الزرع فـي سـرّة الـزّراع = نـزرع ليـا سـال وادينـا
ابن وازن =
تاجر معاني فقدله صاع = ان يوزن القول يوفينـا؟
ترسل لنا حرها بشعـاع = الشمس. وعدنان مع لينا
هزيم الرعد =
خوفي حسد بيّن الأطباع = يحـمـيـك ربــــي ويحـمـيـنـا
والـدرة اللـي فبطـن الـقـاع = مـا اظـن تـعـرف اساميـنـا

ابــــــــــن وازن =
سلام قمتـه بنـاه صـروح = شامخ ومثل الجبـل راسـي
عبير عطره عليـك يفـوح = وتميـزه الجـن والناسـي
عــــــبــــــود =
ترحيب عد البـروق تلـوح = يا عزوتي ياعصب راسـي
وبنفس طيب الجسد والروح = وعضاي من راسي لساسـي
ابــــــــــن وزان =
تبقي يا راس البقي ممـدوح = يا لابـس العـز بالباسـي
حبر القلم بالمعانـي يبـوح = وتحمـل الهـم كـراسـي
عــــــبــــــود =
ايامنـا والمعانـي شـروح = ولصروفها نقول ما باسـي
ولاعـل ماتشتكيـه يـزوح = حدالمـواسـاه بـاواسـي
ابــــــــــن وازن =
كذب المشاعر عساه يـروح = بفكر ومن مركز أحساسـي
الهم سبب فقلبـي جـروح = ضك الصدر وضيق أنفاسـي
عــــــبــــــود =
حن الحجر والفـؤاد ينـوح = يبكـي الـم همـه القاسـي
قيس الفكر واعرف المصلوح = وانت اعرف الناس فقياسي
ابــــــــــن وازن =
فكري على فرشته مطـروح = في خانت اليـك والياسـي
من بعد وصله عليا يشـوح = ناسي الوفاء بالخطى داسي
عــــــبــــــود =
مادام بان الامـر بوضـوح = انسـاه مـادام هونـاسـي
دق المسامير فـوق اللـوح = قدام تنبـت لـه اضراسـي

أبن وازن =
سـلام ياعطـري الفـواح = يامـدرس القيـل بنظامـه
شكواي من صاحبي السباح = اللى غرق وسـط اوهامـه
ابن عايش =
باعداد نجم الافـق مـا لاح = ترحيـب نبديـه بوسامـه
من طب بحر الوهم في بياح = يشكي على الله ما ضامـه

ابن وازن=
سـلام والمـوج لاطمنـي = من اقرب الناس والاصحاب
بسردلـك العلـم علمنـي = يا عالم الكيل والانصـاب
هزيم الرعد=
ترحيـب ويـارب جملنـي = ومهما حصل لا تصك الباب
يلومنـي وانـت لايمنـي = اليـا تقدمـت للمحـراب
ابن وازن=
بالطيب نبقـى يامكرمنـي = وبحر الهوى يتعب الاحباب
وبحـار كنـه يكلمـنـي = فموج البحر والبحر غلاب
هزيم الرعد=
تكميل وأكيـد فاهمنـي = لو توصفه شاغل الألباب
ربـان وهـذا يطمنـي = ما يردكم لو زراقه شاب
ابن وازن =
دامـك معـي يامكـنـي = يظهر مابين السنون الناب
لو اكسره علـم يحزنـي = وتركه زياده مع الاتعـاب
هزيم الرعد=
انا اشهـد انـك مكملنـي = معروف مثلك يصف حساب
مـا تفيـد لكـن ولكنـي = تصيب وانته معه تنصـاب
ابن وازن =
الاكوعـى ذاك ظالمنـي = وغافل لك الله مع النصاب
والشوق نجدي مناكفنـي = وبحارهم فالبحر اغـراب
هزيم الرعد =
توقيع رائع ومعجبنـي = صادق وهذا المثل جذاب
خلّك معـه لا توهقنـي = تقديرهم ما عليه حجاب
ابن وازن =
سالم شعـاري ويسلمنـي = والعلم واضح لكم فكتـاب
واللـى يقـدر يقـدرنـي = ومشكور ياللى كلامك طاب
هزيم الرعد =
تقديركم فـوق صدقنـي =وما اظن مثلك منه يرتاب
غالي ويا كيف يحرجني = والقاف يصحابنا قد شاب

ابـــــــــن وازن =
سلام مبدأ علـى الاجـواد = من جودكم ياوجيه الخيـر
لاهل الوفـا الوفـا ينقـاد = جينا على العز والتقديـر
الـــبـــحــــار =
يامرحبا براعـي الأمجـاد = راعي الوفا طيب التعبيـر
نجمك سطع فالسما وقـاد = عالي مقامك عن التقصير
ابـــــــــن وازن =
محسوب تبقى من الـرواد = يا بادع الفـن والتصويـر
نبغي انتمشي سوي فالقاد = بحر الهوى والمعاني تسير
الـــبـــحــــار =
انتا فبحر االمعاني استـاد = وانا معك اكمـل التعميـر
نمشي على القن والمعتاد = وبحر الهوى نمتره تمتير
ابـــــــــن وازن =
نجمه ودايم على المرصاد = من نورها القلـوب تنيـر
كل ما قربنا معـه بالمـاد = نصبح معه في مكان السير
البحار =
خلك معه سايسه بحياد = وحذر يهب الهوى وتدير
الود دايم دلـع وعنـاد = ولابد يرجع لكم ويصير

ابن وازن =
شرط الرضى والتراضي كان = يتقـدم القلـب بالرغـبـه
ومن قدم العرض يابخيتـان = هل تشرق الشمس من غربه
بخيتان =
ماينفع الشرط فالخسران = اللي بدأ يشتكـي غُلبـه
اللي عرض سلعته بوران = واللي شراها غدى شُربه
ابن وازن =
اللى معك فالهوى غلبان = كم اشتكي حالته صعبـه
وجه الجفى قابل الحرمان = يامولع النار لك عطبـه
بخيتان =
مالوم شاكي من الوجـدان = اللي رمى الروح في غُربه
ياليـت مايبـخـس الأثـمـان = مـن بعـد ماضيـع الحسبـه
ابن وازن =
فرق عن الفل والريحـان = وادرى على ارضك الخصبه
وما اقصدك ياعالم النسيان = ممشي معه لانـي افدربـه
بخيتان =
ماني كما حميْد وحميـدان = مثلي معه نقد يِصرف بـه
نجني ثمر عالي الأغصان =مانلقط اللي علـى العشبـه
ابن وازن =
دام اتفقـنـا مـعـك الان = ارجـوك لا تفـرط بحبـه
وخلى المقاشب مع الجيران = لاتشتري الغلـب وتنشبـه
بخيتان =
وين المعاني عن القيفـان = وحروفـه الـلـي تسطـربـه
رسمـت رد المثـل بإتـقـان = أرقـى واشـوفـك محـدربـه
مالـك معـي إتفـاق وشـان = خلك مع شروطك العجبـه
ياللي شكى حاله الحيران = عوّد على العرض لا تكبه
ابن وازن =
نزلت حافي على الزربان = من بعد مانقطعت العربه
ابغي مصر طحت بالسودان = كله من القاف والصحبه
كاني معك ياخوي غلطان = منك العذر نطلبه طلبه
وكان المثل ثور البركان = لجل الرضي نحذف الخطبه
بخيتان =
يالصاحب اللي بدأ اللأحان = والحرف للمشتكى كتبه
فالنايفة ما انزل الوديان = وشرواك لاشك نفخربه
لجليش ياستادنا زعلان = وماجاك من يمنا سبه
هذا الذي منكم لي بان = وأنتا وأنا للوفا شبه

فـــواز الـزويـهــري =
سلام راقـي لكـم ممـدود = مثل الجواهر في صدر الريم
ودي بحرف المعاني يجـود = ويلمع بروقه في جوف الغيم
ابـــــــــن وازن =
ترحيب وافي من الموجـود = لاهل الكرم مرحبـا كالديـم
حرفك مابين الملاء مشهود = ببدع معك منتـج التصميـم
فـــواز الـزويـهــري =
عسا البقا والوفـا معـدود = عند العوارف هـل التكريـم
أفيدني فزرعـي المحصـود = جنيت مشمش تحـول ليـم
ابـــــــــن وازن =
عساك سالم يا راعي الزود = من زخرفه المعانـي تهيـم
اشرح عن العلم والمقصود = مد الوفـى فالزمـان مقيـم
فـــواز الـزويـهــري =
بذلت ياصاحبـي المجهـود = إحسان يدي جزوه الضيـم
والقلب من فعلهـم ملهـود = ولا رضى على جوهم تعتيم
ابـــــــــن وازن =
وائل اسد والاسـم مـورود = وهذاك صاحب على الترميم
في علمهم حبلـك المعقـود = وبيدك ترسـل لنـا تعميـم
فـــواز الـزويـهــري =
ماذمكم والهـدف مرصـود = ولا زال باقي لكـم تختيـم
ولا لي على ماذكرت قصود = يانجم ساطع ولـه ترسيم
ابن وازن =
صلاة ربي على المرشـود = ونزيدها بافضـل التسليـم
انصحك عن صحبة المنقود = اللى وضح ثابت التوسيـم

ابــــــو عـــيـــد =
سـلام لـه فالموافـى شـان = للملـتـقـى وكـــل زواره
جينـا لكـم نعـزف الألحـان = فـي دار ماتنطـفـي نــاره
ابـــــــــــن وازن =
يامرحبـا يـرجـح المـيـزان = وترحيـب مـن كـل شعـاره
عزيـز غالـي مـن الاخـوان = الملتـقـى زادات انـــواره
ابــــــو عـــيـــد =
عسـى البقـا والمـلاقـى زان = يـا متـقـن القـيـل وادواره
اسمع صدى الصوت من عسفان = بعـد اللحـن حنـت اوتــاره
بــــــــــــن وازن =
شاعر ومثلـك علـى الميـدان = يشـرف الـقـوم محـضـاره
هـات المعانـي مـع الاوزان = ونقطف سـوا اجمـل ازهـاره
ابــــــو عـــيـــد =
اللـي تولّـى علـى الوجـدان = حظـي مشـى عكـس تيـاره
كيف انقـذه فكـري الحيـران = واطـوي مسافـات مـشـواره
بــــــــــــن وازن =
فحكـم القـدر قلبـك الولهـان = والحـي لـه خيـر فـقـداره
تشكى من الشـوق والنيـران = لا تشقـي القلـب فحـصـاره
ابو عيد =
ماني لحكم القدر زعلان = سبحان الأفـلاك دواره
بخلاف ماكان بالحسبان = اختير له درب ماختاره
ابن وازن =
قوله تعوذ من الشيطـان = لاتتبع ابليـس فشعـاره
اثبت مع الساس والعمدان = واحذار من العند وغباره
ابو عيد =
مجبور خلي على الهجران = مايـلام ومقـدر اعـذاره
مهما تناحى عن الأعيان = يسري بي الشوق لدياره
ابن وازن =
الود يبفى مع الخلان = بالتضحيه تثبت ادواره
ما ينفع الزرع فالبستان = بعد الامل جفت ابياره
واللى سكن عالم النسيان = من واجبه يقطع اشجاره

المثل =
جــات القـوافـي وفـــى عـمّــن = ســـلام ياملـتـقـى الـتـشـريـف
نــــوع الـحـيــازه مــقــدم مــــن = صاحب مثل يملك التوظيف
ابن وازن=
فالملتقى عن رجـال القـن = ترحيب وافي لكـم ياظيـف
حنا انتشرف باهالى الفـن = وقاف المثل زادنا تشريف
المثل =
فـي مبنـى الامثـال مـا اظمـن = تـطــلــع حـقـيـقــة ولا طـــيـــف
لــكـــن ابــنــشــدك ان امـــكـــن = نمشي على منهج التوصيف
ابـــــــــــــــــــــــــــــــــــــــــــــــــــــــــــن وازن =
مــــــدري الــمــثــل لـلـمــثــل ثـــمــــن =وشـاف المعانـي سحابـت صـيـف
نـمـشـي عـلــى المـنـهـج الاظــمــن = الــلـــى تـشــوفــه جــبـــل ومـنــيــف
الـــــــــــــــــــــــمـــــــــــــــــــــــثـــــــــــــــــــــــل =
انـــــا الــمــثــل جـــيـــت ومــعــنــون = مــاجــبــت الامـــثـــال بـالـتـخـريــف
واعـطـيــتــك الـــفــــاظ والاحـــســــن = تـعـطــيــنــي الــــفــــاظ لـلـتــعــريــف
ابن وازن =
مــــن بــعــد ماتـحـكـحـك الـمــعــدن = اصــــل الــذهــب مـايــعــود هــيـــف
وعـــــن مــعــدنــه الــمــثــل اعـــلـــن = فوجه الغلص ينفع التنظيف ؟؟؟
المثل =
من بعد ما عاش واستوطن = الـيـوم مـالـه ذكــر فالـخـيـف
وفشـعـاب مـكـه يـابــن وازن = كيـف اتـعـرف عليـهـم كـيـف
ابن وازن =
ان كنت فشعابها تسكن = يسقط سؤالك عن التكليف
والطيب بأهل الوفا تمكن = فقلوبهم ينحفظ بأرشيف
الـــــــــــــــــــــــمـــــــــــــــــــــــثـــــــــــــــــــــــل =
مــابــيـــن الاســــنــــاد والــمــســكــن = خــــط الــوفــاء فـالـبـعـاد يـضــيــف
فــغــيــابــه الــــقـــــاف مــتــحــصـــن = داخــــــــل مــعــانــيــه بـالــتــوقــيــف
ابن وزن =
لصاحب الشوق يستحسن = القص افضل من التخفيف
كانه عن القاف لا تحزن = تلقى قطع فالبلد توليف
الـــــــــــــــــــــــمـــــــــــــــــــــــثـــــــــــــــــــــــل =
اســـمـــع حــــــروف الــمــثــل لاون = يـســري بـهــا الــيــاس للـتـخـويـف
مـــن طـيـبـه الـقــاف يــــوم يــحــن = الــحــضـــر تـشـتـاقــلــه والــــريــــف
ابن وازن =
نيورك تشهد لكم لندن = ويعجبني لعبك ياعبده عطيف
يامن على الدندنا دندن = يا عذب في غايت التلطيف
ماثقل معانيك لو توزن = وقاف المثل للحروف وليف
ومضرب مثل بيننا مزبن = ومنه المثل زايد التكثيف