ذي سبحته كان ناسيها/ لكل زوج بيسافر ويترك زوجته

هذا شماغة مع اعقاله=وذي سبحته كان ناسيها
وإذا مجلسه داخل الصاله=وهذه المخده رقد فيها
وهنا سألته عن احواله=وهنا كملنا الباقيها
وذا مجلسه وسطه ادلاله=شرب قهوته مسويها
وهذا العطر كان يحلاله=رشيتله وهتنا فيها
حتى دولابه على حاله=ملابسه كان كاويها
ليه السفر صار مواله=والنفس معه معنيها
عزي الحالي عقب حاله=ادموعيني تواسيها
البيت بديت بهماله=مالي بدنيا مهو فيها
الكحل ماعاد نبغاله=لمين احطه؟ياناسيها
يوم اتصل رقم جواله=هلت عيوني عباريها
من فرحتي فيه يا خاله=طشيت بياله وشاهيها
كلمت والعين سباله=مع غصةالصوت وخفيها
وشبك كذا ليه ياهاله=بعدك على الكبد كاويها

اختي الكحيلة

ابيات تقطر دم

بيض الله وجهك على طرح هذه المشكله التي تعاني منها

اخوات لنا

ارجو من الجميع ان يناقشون هذا الموضوع الاجتماعي

اما بالنسبة لي

فأني اشوف الانسان المتزوج لا يحق له السفر بدون زوجته واولاده

الا اذا كان السفر لا اعمال خاصه ولمده قليله جداً

اما اذا كان السفر لدورة طويله ولا يوجد مانع من اصطحاب زوجتة واولاده فلماذا يتركهم

اما اذا كان للسياحه فأى سياحه بدون الزوجه والاطفال اليس لهم حق عليك

ارجو السموحه والعذر على الاطاله

يعطيكي الف عافية على هذا الطرح

	المشاركة الأصلية كتبت بواسطة ابو هاني

	اختي الكحيلة ابيات تقطر دم بيض الله وجهك على طرح هذه المشكله التي تعاني منها اخوات لنا ارجو من الجميع ان يناقشون هذا الموضوع الاجتماعي اما بالنسبة لي فأني اشوف الانسان المتزوج لا يحق له السفر بدون زوجته واولاده الا اذا كان السفر لا اعمال خاصه ولمده قليله جداً اما اذا كان السفر لدورة طويله ولا يوجد مانع من اصطحاب زوجتة واولاده فلماذا يتركهم اما اذا كان للسياحه فأى سياحه بدون الزوجه والاطفال اليس لهم حق عليك ارجو السموحه والعذر على الاطاله يعطيكي الف عافية على هذا الطرح

حياك الله في متصفحي وحال الشاعر مشاعر
يشارك الاخرين فيها
انا اخلفك الراي قليلً
واقول يسافر بس ميطول الغيبه يعني اسبوع
ياخذ اجازة من الحياة يجلس مع نفسه
يعيد ترتيب مشاعرة ترا السفر له فؤائد

واو بتجنن ...
بس سياحة ولوحدة هذي ممنوعه ههههه ...

تسلمي ياعسل ...
فل وياسمين لقلبكِ ...

صح لسانك كسرة رائعه
والله يعطيك العافيه
بيض الله وجهك

	المشاركة الأصلية كتبت بواسطة الكحيلة

	هذا شماغة مع اعقاله=وذي سبحته كان ناسيها وإذا مجلسه داخل الصاله=وهذه المخده رقد فيها وهنا سألته عن احواله=وهنا كملنا الباقيها وذا مجلسه وسطه ادلاله=شرب قهوته مسويها وهذا العطر كان يحلاله=رشيتله وهتنا فيها حتى دولابه على حاله=ملابسه كان كاويها ليه السفر صار مواله=والنفس معه معنيها عزي الحالي عقب حاله=ادموعيني تواسيها البيت بديت بهماله=مالي بدنيا مهو فيها الكحل ماعاد نبغاله=لمين احطه؟ياناسيها يوم اتصل رقم جواله=هلت عيوني عباريها من فرحتي فيه يا خاله=طشيت بياله وشاهيها كلمت والعين سباله=مع غصةالصوت وخفيها وشبك كذا ليه ياهاله=بعدك على الكبد كاويها

لله درك من كحيلة اشهد با لله انك ابدعتى وحطمتى من يستاهل التحطيم واللى يترك اولاده وزوجته ويسافر بدون عذر شرعي لاسمح الله هذا ماهو كفوا لبنت الرجال الاصيله
صح لسانك وبيض الله وجهك وان شاء الله من قراء ابياتك يتعض

تسمحلي الاخت كحيله بمجاراته شدتني القصيده رائعه ومحزنه حقا وحاصل كثير من هذه النوعيه

بترك اهل واولاده احيانن يعتازون للناس شي محزن وهو بكامل السعاده المزيفه اين الضمير الحي

الانسان ذكر او انثى يحمل شعور واحساس واحيان نكون السبب في ضياع الاسره بكامله ونلقي اللوم عليهم ونحن السبب الرئيس كل الشكر للشاعره كحيله وصح لسانكم مليون

ويفترض وضع بالجريده خاصه في هذه الاوقات وقت الاجازه مهمه والله الموفق

يالله تكثر من امثاله=انشهد انك لقيتيها
احولنا هي ترى حاله=حقيقتن لو نخفيها
لو ربع ما قلة يعباله=والبعض هو ملتزم فيها
مااحدن شكى قال برجاله=زاد الجروح وبلاويها
والبيت زودن على حماله=خلاه خالي لباريها
البعض هذي ترى افعاله=والهرج واضح بتاليها
جبتي لنا القول وجزاله=تسلم كحيله وقافيها
يامخلي البيت وعياله=وين انت رايح وناويها
لاتحطم الناس واماله=اهلك معك لاتخليها
عشرة سنين( ن) وهي شاله=لاتقول ناسي تجازيها
لاتشرب المي وحثاله=وتترك قراحك وصافيها
لايغرك الصيف وخياله=سحاب صيفن محاريها

صح لسانك وبيض الله وجهك وان شاء الله من قراء ابياتك يتعض

الاخت والشاعره الكحيله انتي تكلمين عن موضوع بالمجتمع عامه
رساله قويه تشكرين عليها لمن يهوى السفر لوحده بدون امر واضح للجميع
الشاعر او الشاعر اذا طرح مثل هالمواضيع لايعني انها تعنيه بالدرجه الاولى لكن يتكلم الشاعر والشاعره
على لسان المجتمع تحياتي وتقديري

صح لسانك يالكحيلة و حقيقة ان هذا الواقع في مجتمعنا