حافظ على قلبي بعد مانكبته

لاوين ياللي شايل القلب وياك = حافظ على قلبي بعد مانكبته
كل مانهيته عنك وامره ينساك = مايستمع ليه ومهما طلبته
يفز من صدري ليا حل طرياك = كنه بذور القمح لا فز نبته
يرسل لك اشواقي تناظر وتبراك = وتسأل لموقك كم دمعاً سكبته
ماتجاوبه موقك وياكثر ماقساك = ماترحم اللي من عروقه سلبته
اسمع خليلي علمي اليوم ينصاك = ان كنت تقراء حرفي اللي كتبته
مايوم انساكم ولا فكر انساك = مادام قلبي من عروقه نهبته
ان كان رايح لحظه ارجوك ابغاك = بعاتبك مايوم قلبك عتبته
ياهل ترى حبيتني كثر ماهواك = او ياترى ياقلب قافاً لعبته
ان كان هذا ولا طلع مثل هذاك = ابشرك كاسك تراني شربته

صح السانك وسلم بيانك

صح لسانك
والله يـعـطـيـك الـعـافيـــــــــــة
بيض الله وجهك

شاعرنا القدير/ فايز المحيسن

صح لسانك قصيدة جزلة و عادتك الجزل

صح لسانك مليون على القصيده
والله يعطيك العافيه
بيض الله وجهك

تسلم وصح لسانك ولاهنت

تحياتي

صح لسانك وبيض الله وجهك
قصيده رائعه بروعة حضورك

	المشاركة الأصلية كتبت بواسطة الكحيلة

	صح السانك وسلم بيانك

وصح بدنك شاعرتنا الكحيله

وشكرا على المرور الرائع

	المشاركة الأصلية كتبت بواسطة فواز الزويهري

	صح لسانك والله يـعـطـيـك الـعـافيـــــــــــة بيض الله وجهك

هلا وغلا اخوي فواز الزويهري

وصح بدنك ملياررررررررر

وشكرا على المرور الرائع

	المشاركة الأصلية كتبت بواسطة حميدان العوفي

	شاعرنا القدير/ فايز المحيسن صح لسانك قصيدة جزلة و عادتك الجزل

هلا وغلا اخوي حميدان العوفي

صح بدنك ياغالي

وشكرا على المرور الرائع