رمشك رمى قلبي ورميه متفق (يادافع البلا)

	المشاركة الأصلية كتبت بواسطة جميل بن حميدان

	صح لسانك ..... الظاهر اول قصيدة اقراها لك وانا اخوك ..... وان كان راي يهمك عطني فرصة اقرى بعض قصايدك ارجوا ان لاتأخذ على كلامي ... انا ماحكم على شاعر شرواك ولكن احرص على التريث في ابدائه ... تحياتي لك

احسنت تقرا قصايده مشان تحكم على القصيده
نترك الشوف ونقتص الجره
للاحاطه براهيم القرون شاعر محاوره ونظم

وعلى حسب عرفي قليل من يجيد اوزان بحور الشعر

وبا الاخص البحر الطويل مثل هذا الشاعر

بدون مجامله والله شاعر اتمنا منه ان يقيم قصيدي

هذا الصحيح وكلمت الحق تنقال

	المشاركة الأصلية كتبت بواسطة ابراهيم القرون

	ياصـاحـبـي قـلـبــي عـلـيــك يـتـخـفـق = مــن يــوم وادعـتــك وداع الـمـفـارق وعـيـونـي لـشـوفـة عـيـونـك تـشـفــق = الـيـاطـرق بــــاب المـحـبـيـن طــــارق رمـشـك رمــى قلـبـي ورمـيــه مـتـفـق = تــفــاق والــبــارود خــــارق وحــــارق مــا الــوم عيـنـي يــوم قـامـت تـدفـق = الـيـن شـفـت الـقـاع بالـدمـع غــارق يـاصـاحـبــي دوك الـــفـــواد وتـــرفـــق = تــــراه يـجـفــل كـلـمــا شــــاف بــــارق مـيــر الـفــواد ايــــد قــــراري وصــفــق = واضوى على اللي كنه البدر شارق الله جــمــع بــيـــن الـثـنـيـنـه ووفـــــق = والــحــب ســهــم لـلـفـواديـن خـــــارق ماهـمـنـا حــكــي الـحـســود الـمـلـفـق = قــلــه لــيــا كــمـــل كــلامـــه يــفـــارق

ياسلام ياسلام يابراهيم القرون صح الله لسانك على هالعذبه الراقيه ابداع وجزاله ولاهي غريبه
عليك اسجل اعجابي اللامحدود بهذه الدرر الثمينه واقول مابك حيله و بيض الله وجهك يابن العم الكريم

اقول بيض الله وجيهكم من اولكم الى اخركم يعلم الله اني عاجز عن شكركم
وانا من النوع اللي ما اهتم بكتابة قصايدي ولكن اليوم والله لاحاول اكتبها كلها
والله اني ما استاهل كل ذا المدح اللي قلتوه
لكن همي الاول والاخير ان ارفع اسم قبيلتي اذا جا مجالي وفيه من هو اطلق مني الف مره فالقبيله