هذا الصحيح وكلمة الحق تنقال

هذا الصحيح وكلمة الحق تنقال =
الليله الليه نبيها مواويل=
ونولع النيران في تالي الليل =
واللي قرب للنار لايامن الويل =
هذا الصحيح وكلمة الحق تنقال =

سلام مني عد همال المزون . واعداد مادن الرعد والبرق لاح = شعارنا اليوم مدري وين وين . واللي عقد روس الحبال يحلها
اهل الحسد معنا ترى ماينجحون .واللي فعل باليل يلقاها صباح = ماهمنا فعول ناساً حاقدين .واللي عقد روس الحبال

صح لسانك شاعرنا البدراني
ودي والله باللعب معك لكن معزوم في زواج والزملاء فيهم الخير والبركه
بيض الله وجهك

الليل هذا باوله تقدح النار= يا صاحبي وش صار بالله وش صار؟
يا محمد عويض نبي منك الاخبار=هذا الصحيح و كلمة الحق تنقال

يا مرحبا بك عد قطرات الهتون في ملتقى ربعك معلقة الوشاح=ترى الربع يبو عويض حاضرين واللي عقد روس الحبال يحلها
ابشر ترى الحساد من دونٍ فدون و لا حدٍ منهم يوفّق للفلاح= و الله عليهم ثم خلق الله عوين و اللي عقد روس الحبال يحلها

صح لسان محمد عويض البدراني

و صح لسان الصيفي

وبيض الله وجيهكم على الابيات الجزله حفظكم الله

صحت السن الجميع واصلوا متابعين لاهنتم

الإخوه:

حفيد الحجيري،

خوي النشاما،

و

القلب الابيض

صحت السنتكم و يا هلا بكم

انته مدير الدار وشلون تنشد =ان كنت ماتدري تريح وقعد
نلقا غيرك من على العلم يسند =هذا الصحيح وكملة الحق تنقال

فيك البقا وانته معانا تنشدون , ماكنك اللي قاضباً معنا سلاح = خل السلاح انكان ما تحما العرين , واللي عقد روس الحبال يحلها
مشعل ابو الليل ابو سود عيون , اللي مشى بالعيب ماهو بالصلاح = المتهم بالمشكله بين الثنين , واللي عقد روس الحبال يحلها

	المشاركة الأصلية كتبت بواسطة حفيد الحجيري

	صح لسانك شاعرنا البدراني ودي والله باللعب معك لكن معزوم في زواج والزملاء فيهم الخير والبركه بيض الله وجهك

حياك الله ياحقيد مرورك شرف في حد ذاته

	المشاركة الأصلية كتبت بواسطة خوي النشاما

	صح لسان محمد عويض البدراني و صح لسان الصيفي وبيض الله وجيهكم على الابيات الجزله حفظكم الله

صح الله بدنك وحياك الله

	المشاركة الأصلية كتبت بواسطة القلب الابيض

	صحت السن الجميع واصلوا متابعين لاهنتم

صح الله بدنك شكراً على مروك