سلام ..مباشره

اباسلم على سالم واباسلم على مسروح=بعد غيبه سلام الله على الديره ومن فيها
نبا نلعب ونتعب و السوالف لاتروح مزوح=وحنا ماحضرنا في البلد حتى نسليها

هلا يامرحبا عد البروق اللي عليك تلوح = بعد ماجيت فالديره على البدوان سريها
ترا هرج المزوح اللي بلا مقصد يجي ويروح = ولن كانك تبي حاجه تراني مثلك ابيها

تغني ياحمامه وارقصي من فوق غصن الدوح=حضر رمايك اللي يرمي الشاره ويخطيها
اشوف الخير في وجهك لكن ماظن لك مصلوح=تبا تتعب قدمك من المشي يالين تحفيها

وين رحت ياشيخ

الغدا اهم منك ههههههههههههههههه

انا لامن بغيت ارميك ماحصلت عندك روح = وانا ما انقل حزامي للي توامي جناحيها
ترا ما انته بمستور العصيمي ولا ابو ممدوح = ورجلك من حفاي العام جاها مايكفيها

الشاعر الجزل والرائع المخلفيي صح الله لسانك على الطاروق المميز والراقي الله يبيض وجهك يالمخلفيي شاعر ولقب شاعر قليل في حقك لاعدمناك سلمت ودمت
وصح لسان زميلك الشاعر براهيم القرون واصلو والكل مشجع ومتابع الله لايهينكم والصفوف حاضره والملعبه عامره بحضوركم

بيض الله وجيهم يا حرب وصحة الالسن سجلونا من الجمهور متابعين

	المشاركة الأصلية كتبت بواسطة الكحيلة

	بيض الله وجيهكم يا حرب وصحة الالسن سجلونا من الجمهور متابعين

تشرفنا بهذا المرور النير لاشاعرتنا الرائعه والراقيه الكحيله وحياك الله ياخت الرجال
وبالنيابه عن الجميع اقول على الرحب والسعه ويسعدنا ويسرنا تواجدك سلمتي ودمتي

لاهنت يامضحي على الترحيب والكلام الغير مستغرب من شخصك الكريم,,