..........................................

ياسلامي على اهل المنتدى ذا = والتراحيب للضيف المفلي
لاتقولون لي ياخي لماذا = ودي اصوم واتصدق واصلي

مرحبا فيك يا ضيفٍ تهاذا = في يدانا وانا هذا محلي
الحسانات لا قامت تواذا = ويش تعملها وانته مطلي

شاعرنا الرائع ابراهيم القرون وشاعرنا الرائع رفيع المقام صحت السنتكم لاهنتوا على هالطاروق الجزل والممتع

البقا يالمعازيب الفذاذا = مير صوتك بعيد ولاوصل لي
المطلي من ابليس استعاذا = وانت ماسك واذا خلوا تخلي

صحت السنتكم على اللفض والمعنى
متاااااااااااابع

يا رفيع المقام عذرا انا خارج والوعد بكره



مع اجمل عبارات الشكر لمن مر من هنيا



السلام

الأخ الفاظل مضحي صح بدنك
الاخ الفاظل مرسى الثقال صح بدنك
واسعدنا وجودكم جميعاً
الاخ ابراهيم عسى خير ان شاء الله وباكر عسانا نكون موجودين

انت قانص ومعميك الرذاذا = صيدتً لي ولا يمكن تملي
ذا ابراهيم هرجه له لذاذا = مار قدن لها ملي بملي

لو بغيتك قنصتك مثل هاذا = مير معطيك فرصه للتسلي
لا سمعت الخبر ماقلت ماذا = سيف ابوزيد عن بنته يسلي

القرون اصبحت فيها شذاذ = مار من شذ عن وجهي يولي
ساعين للجميل وعنك لاذا = لو تساوى على البيدا تصلي

انت كاذا وانا مانيب كاذا = مير ابحشمك دامك مثل خلي
خلك بحذو ابو عنتر تحاذا = لين يطلع بك الرجم المطلي