سلام يامرسى وصبحت بالخير

سلام يامرسى وصبحت بالخير= صبحت بالخيرات بعد السلامي
العلم ماهو في عتيبة ولا مطير= العلم حرب وودها بالسلامي

يامرحبابك عد مارفرف الطير = وعداد ماينشى صدوق الغمامي
العلم يبغاله مع الدرب تفسير = والله يعز المخ هو والعضامي

دام البقا لو كان فالرد تأخير= لكن لاجا النور يجلا الظلامي
السير يامرسى يبا دهنت السير= والملتقى على بعضنا حرامي

لاصرت فاضي لاتجي ربعك مغير = يمكن ضروف الوقت فيها كلامي
مايصير لابالله من صدق مايصير = منهو يبى يرضى عليه الملامي

انا طلبتك لانك انته شمنصير= شاعروتفسيرك يصيب الحلامي
ماني بقايلك عن الملعبة دير= يمكن يجي لامك على حد لامي

السالفه لاجيت تصبح تقارير = والارض تحيا بعد ماهي عدامي
ياصاحبي وشفيك ماتغطي البير = يمكن يبا يارد عليها الزلامي

جميل بن جميدان ومرسي الثقال جزاله وابداع متبادل صحت السنتكم لاهنتوا

انا تراني يم ميدان خرخير= واقف على دجلة ولكن ظامي
نبغا نسوي بين جساس والزير= ونردهم للملتقى باحترامي

ياصاحبي دعواك تحتاج تفكير = مايستوي خنصرك هو والبهامي
الوضع به دبوس ولا مسامير = مانته مكلف في شراب وطعامي

ماقول غير الله يرد المسافير=والله يبيض وجه ولد التهامي
اللي دخل مابينهم نافخ الكير= حل الحلال وحرم اللي حرامي