لاغبت ثم عودت ماجبت حاجه

لاغبت ثم عودت ماجبت حاجه

البال لازادت همومك ازعاجه=ومن كل صوبٍ قام همك يديره
احرف ركابك يم فزعتك ناجه=ودربٍ تيامن فيه ستين خيره
وعن مجلس به ثايرين اللجاجه=خلك حشيم وعنه رجلك قصيره
خذراك من هرجٍ بكثره سماجه=ان مانقص راعيه زاده معيره
لالجلجو به مثل لجة حراجه=الشله الي دايمٍ مستطيره
الواعي الممرور يعرف خراجه=ولاهو بحاجة واحدٍ يستشيره
محلاك ياللي نازح البعد باجه=بكس الجموس اللي نجح به خبيره
لاعطيت به جوٍ يزيدك بهاجه=والشوف يطلق فالوسيعه نضيره
اللي به الجوال يفقد ابراجه= عن مركز الارسال غايب سفيره
هذي طرات العمر ساع نتواجه=على الوعد مع الوجيه السفيره
والمنهج اللي مانحب انتهاجه=ولا تقره فالجزيره عشيره
ان الخطا يصير سهل اندراجه=مدام فالاجواد نخوه وغيره
واللي على الفتنه يولع سراجه=ماباقي له غير هذي ذخيره
لايكمل الوجعان باقي علاجه=إليا صحا نادا علينا المغيره
لو هو على العدوان صب احتجاجه=ويمثل انه للكسور الجبيره
اليا انهزمنا قام يضحك حجاجه=عيده ليا ناظر علينا الكسيره
واللي تهاون منقرك يالدجاجه=الله واعلم ويش تالي مصيره
المي ماساوا قراحه هماجه=المسك مايوجد بنفاخ كيره
للعسر يسر وللصباح انبلاجه =ولاهان راعي حق والله نصيره
ويامن لك الارقاب فيها انعواجه=ولا يرخصك رجال عنده بصيره
عليك كم قلبٍ تزايد اخلاجه=ولا احدٍ يلومه فالهنوف الاميره
في حبها ماهو محكم مزاجه=صادق وحكم فالموده ضميره
يافخر من صرتي وسامه وتاجه=صقر العروبه ابن صقر الجزيره
لاصار فالاجواء عواصف عجاجه=يبقى ذراء اللي جاه من كل ديره
لاغبت ثم عودت ماجبت حاجه =هذي بحقي يالنشاما كبيره

مضحي بن جمران


صح الله لسانك ولاهي غريبه عليك الجزاله

صح لسانك وبيض الله وجهك على هذه الجزلة
الله يعطيك العافية ... رحم الله والديك

صح لسانك يامضحي بن جمران
وبيض الله وجهك على القصيده الجزله والتي لاتستغرب
منك كفيت وفيت وجبت الابداع معك

تقبل تحياااااتي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

وعن مجلس به ثايرين اللجاجـه
خلك حشيم وعنه رجلك قصيـره
خذراك من هرجٍ بكثـره سماجـه
ان مانقص راعيـه زاده معيـره
لالجلجو به مثـل لجـة حراجـه
الشلـه الـي دايـمٍ مستطـيـره
الواعي الممرور يعـرف خراجـه
ولاهو بحاجـة واحـدٍ يستشيـره
محلاك ياللي نازح البعـد باجـه
بكس الجموس اللي نجح به خبيره
لاعطيت به جـوٍ يزيـدك بهاجـه
والشوف يطلق فالوسيعه نضيـره


الله الله

ياسلام يا ابو أحمد الجزالة دائماً ملازمة لراعي الجزالة

صح لسانك و بيض الله وجهك و الحمد لله على عودتك

يعلم الله أننا فرحنا في عودتك ..

ياهلا و يامرحبا بك يا ابو احمد

صح السانك يا ابن جمران هاذي عايزه ومتعوب عليها ومنهو اللي مزعلك الله يجزاه خير لو ما زعلت ماجبت هاالجزله لك اجمل تحيه وتقدير

صح لسانك على العصماء ولاهي غريبه من شاعر متمكن شرواك
بانتظار جديدك الممتع دائما
تحيتي واحترامي

	المشاركة الأصلية كتبت بواسطة محمد عويض البدراني

	مضحي بن جمران صح الله لسانك ولاهي غريبه عليك الجزاله

صح بدنك يابن عويض ولا عليك زود شرفني مرورك النير لاهنت

تغيب وتجيب العلم الغانم

يا ابواحمد حياك وحي ماجبت

صح السانك

مليون

صح السانك

وافي لاعدمناك