رد على قصيدة الشاعر حمود الجابري ( صوتية)

بسم الله الرحمن الرحيم
السلام عليكم ورحمة الله وبركاته
يسرني ويشرفني الانضمام الى ملتقى قبيلة حرب الرسمي
وأول مشاركه واتمنى ان تحوز على رضائكم واستحسانكم.
هذه القصيده ارسلها الي الشاعر حمود الجابري وردي عليها
بصوت الشاعر المبدع محمد العجي
رابط قصيدة حمود
اضغط هنـا النص..

إن كان تنشدني يانايف عن الحال=الحال ماتجهل خفاه وخبرته
لاجيت أبصبر قلت للوضع حلال=شفت الخطأ قدام عيني نظرته
سبايب اللي قال من عرض ماقا=أن الوفاء بالوقت ذبلت ثمرته
مهتال في بعض السواليف مهتال=مايدري ان الناس تعرف شجرته
ماهو سواة اللي وقف وقفة جبال=اليا طلبت يفزلك ماانتظرته
أمحمد اللي عرفته عرفة رجال=أخويه اللي للوزام ذخرته
نسل الحرار اللي لها قدر واجلال=لامر طاري للنشاما ذكرته
ولو نذكر الماضي ولو نذكر الحال=يبقى الردي فيه الردى من صغرته
عرف الردي ياصاحبي ذل وذلال=والمكسب انك في زمانك خسرته
حاولت أخفي ماحصل وأشرح البال=وأضحك وكل اللي حصل لي سترته
لكن حمل الصبر بالوقت قتال=عجزت لصبر والصبر ماقدرته
واليوم تنشدني يانايف بعد قال=تنشد عن اللي قلت واللي ذكرته
قلت الوفاء بالوقت لازال لازال=في كل شبرن بالبسيطه شبرته
(هذا الصحيح وكلمة الحق تنقال)=الطيب ماتذبل وتفنى شجرته

ردي علي الشاعر حمود الجابري
بصوت الشاعر المبدع محمد العجي
اضغظ هنا

حي الجواب اللي لفاني بجوال=رجل" يدرب للشدايد امهرته
رجل "يحوش المرجله للوفا طال=شبل" ولد ليث" فعوله شهرته
المرجله ماهي ولد عمن وخال=مارامها قاصر عزومه أزجرته
دنيا الفنا ياحمود تقصف وتجتال=والعلم واضح والرسايل انشرته
دنياك ماتثبت على كل الاحوال=كم من صديقن للمواقف وفرته
ماشفت زوله وقتها صد ماسال=روح مقفي والرخامه عثرته
ماهي غريبه وقتك اليوم الانذال=ولاهي غريبه كل شي بدرته
كلن يقيم نفسه اليوم رجال=يقول فعل الطيب يمي حصرته
بيت الوفا لاهل الوفا دوم مدهال=مايدهله نذل فعوله ثبرته
لجيت مخلص صادقن قال محتال=وبعض الكلام بوسط قلبي قبرته
خوينا نفديه بالروح والمال=ابقى حزامه بالقسى ماغدرته
عن لازمه ما نعتذر لو برى الحال=ولو يعتذر عن لازمي ماعذرته
للخير حمالن وللشر حمال=والهرج يكفي عن كثيره زهرته
وختامها بتعيش وتشوف الاهوال=وتذكر كلامن في زمانك سطرته

أخوكم \
نايف حميدان السليمي.

صح لسانك أخي نايف السليمي...وصح لسان حمود الجابري..أبداع في هذه المساجلة الرائعه...وبيض الله وجيهكم جميع...وتستاهل خمس نجوم..

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

لاهنتم وصح الله السنتكم



تقبلو التقدير والاحترام



وفقكم الله

اررحب يانايف

مرحبا بك بمليون يابعــدي

نورتنا ونورت الملتقى بطلتك وبين عيأل عمك

والقصايد مشروفه واللي شرفنا وجودك اكثر

والصوت رائع وعسى الله يستر عليه

عوض الوسيدي

الله يباركم فيكم ابناء العمومه وكل من رحب في بهذا الملتقى الجميل من جميع الاعضاء
وصح ابدانكم جميعا وارجو ان اكون عند حسن ظن الجميع
تحية وتقدير

صح لسانك يالسليمي
ولسان زميلك
وبيض الله وجهك
والله يحييك
يابن العم

هلا وغلا يابوزايد والله يحييك

وصح لسانك كفييت ووفييت


ابدعت ولاتستغرب الجزاله من اهلها

صح لسانك يا ابوحامد
وصح لسانك يا ابوزايد
شعرا مبدعين بما تعنية الكلمة