اللي عقد روس الحبال يحلّها ؛؛؛؛؛؛؛؛؛؛؛؛؛؛؛؛؛؛

سلام تسليمٍ يعمّ الحاضرين . مثل العسل وأحلى من السكر نبات = من هاجسٍ يبدع جزيلات المعان واللي عقد روس الحبال يحلّها
اللي يبا يقلط على سمن وسمين . يقرب ويبشر بالعلوم الغانمات = العشر تبقى عشر ما ترجع ثمان واللي عقد روس الحبال يحلّها

صح السانك
وابيات جزله

	المشاركة الأصلية كتبت بواسطة الضلع

	صح السانك وابيات جزله

صح بدنك
الله يعطيك العافيه
وان كان جازلك الطاروق يالله شد حيلك
نتشرف فيك وشرواك

يامرحبا واقلط على العلم الثمين . نبي نوصلها النجوم الساريات = والوقت ياشاعر ترى مابه ضمان . واللي عقد روس الحبال يحلها
احرص عليها خلها بين الثنين . السالفه ماهي كما راحت وجات = اعدل بحرها لايجي فيها عوجان .وللي عقد روس الحبال يحلها

تبقى يا راع الطيب في طول السنين . ياللي تعاين فالرجوم النايفات = حنّا لها في كل حزّه وأي مكان . واللي عقد روس الحبال يحلها
السوق به شاري وجوفه بايعين . واللي يبا الطيّب يمد الطيبات = قال المثل راع السمينه للسمان . واللي عقد روس الحبال يحلها

الله الله

..
.


الله الله
عليكم
حفيد الحجيري
لاهنت على هالطرق
وصح لسانك
شاعر مخضرم



..




محمد عوض
شاعر كبير بردك
صح لسانك
وعساك على القوه



..



كملوا بالتوفيق
وحنا متابعين بصمت



.
..

ماهي غريبه الطيبه يا الطيبين . هذا وانا ماني براع مجملاات= لكن ماغط الفعول اللي تبان . واللي عقد روس الحبال يحلها
اشري بها بطيبه والشين شين .ماني وكيل ادم على كل الجهات =أطب في سوق الغلا بكل المكان. واللي عقد روس الحبال يحلها

	المشاركة الأصلية كتبت بواسطة الشبرمية

	.. . الله الله عليكم حفيد الحجيري لاهنت على هالطرق وصح لسانك شاعر مخضرم .. محمد عوض شاعر كبير بردك صح لسانك وعساك على القوه .. كملوا بالتوفيق وحنا متابعين بصمت . ..

اشكر مرورك ومتابعتك ودمتم بخير وعافية

الأوله دايم نصيب الأولين . والتاليه من حظ راع التاليات = هذي حقايق واضحه لأهل العيان واللي عقد روس الحبال يحلها
اشتر وبع والله يعين الطامحين . اللي يبون العقم مثل الناطحات = الله يعينك في مقادير الزمان واللي عقد روس الحبال يحلها