ســـلامــة ســــلـــطـــان الـــــــوطــــــن

بسم الله الرحمن الرحيم
ســـلامــة ســــلـــطـــان الـــــــوطــــــن

لاوالله الا؟ صدق ماني بغلطان=الصدق للشعب السعودي طبيعه
شعرٍ توارى هامته دون سلطان=في ذمتي لرخص جنابه وابيعه
سلطان سلطان الوطن وين ماكان= فقصى بلاد الِعِرب والا البديعه
كل الديار لسيدي كلها اوطان=وكل الدروب ليا مشاها وسيعه
في غيبته ماغاب عن كل الاذهان=من عودنا لين الصغار الرضيعه
كل البشر يدعون من قلب واللسان=بلحاح يبغون الاجابه سريعه
ندع الكريم اللي فرض خمس الاركان=بمره وله حق علينا نطيعه
يارب هذا اليوم سلطان الانسان=وداعتك غالٍ بذمة وديعه
هذا ولد من بدل الجهل بايمان=وباب البدع والمهزله سد ريعه
وارسا مبادينا على هدي قران= في دولةٍ تحكم بحكم الشريعه
وسلطان من ظم اليتاما بالاحظان=ومن دونهم شّيّد حصون منيعه
سلطان لاغاب الفرج والدهر شان= ريفٍ لمن حلت عليه القطيعه
راع الوفا راع الجمايل والاحسان=والله ماتنسي جمايل صنيعه
ياسيدي لاغبت في بعض الاحيان=عن الوطن وانت متعافي فجيعه
انطر فما بالك اذا غبت تعبان=في ذمتك ماهي مصيبه شنيعه
واليوم عدت وعودتك تجلي الاحزان=ووقت الخبر يوم الاذاعه تذيعه
فزيت فزة طفل قاصر وولهان= ومن الفرح حبيت راس المذيعه
وان قالوا ان الدار مع عودتك زان=اقفا عجاج الصيف واقبل ربيعه
صابوا؟وانا راييي خذه مني الان=شوفتك تغني عن جمال الطبيعه

بقلم الشاعر/عبدالرحمن العقيلي

صح لسانك يالعقيلي قصيدة تحمل مشاعر جياشة ------- والحمدلله على سلامة كحيلان
دمت بخير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

..


عبدالرحمن العقيلي
صح لسانك وسلم راسك
والحمد لله على سلامة ابو خالد
ننتظر منك الجديد والمميز
لاهنت


..

	صح الله لسانك ولاهنت وسلم فكرك وبنانك دمت برعاية الله وحفظة

	المشاركة الأصلية كتبت بواسطة متعب العمري

	صح لسانك يالعقيلي قصيدة تحمل مشاعر جياشة ------- والحمدلله على سلامة كحيلان دمت بخير

صح بدنك يامتعب

وشكرااااااااا على مرورك الكريم

تحياتي

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي

صح بدنك ملايييين وشكراااااا على مرورك

الكريم تحياتي

	المشاركة الأصلية كتبت بواسطة الشبرمية

	.. عبدالرحمن العقيلي صح لسانك وسلم راسك والحمد لله على سلامة ابو خالد ننتظر منك الجديد والمميز لاهنت ..

صح بدنك ملايين

وانتظارك للجديد يدفعنا لتقديم المزيد

شكرااا جزيلا شبرميه

	المشاركة الأصلية كتبت بواسطة بن فرهود الحربي

	صح الله لسانك ولاهنت وسلم فكرك وبنانك دمت برعاية الله وحفظة

ارحب يبن فرهود

صح بدنك

بيض الله وجهك على المرور

تحياتي