ردي على قصيدة صقر المراقيب

هذه قصيده الشاعر خالد الاحمدي

تعجبني اشعارك بروعة معانيـك=واشهد بها لونك عن العين غايب
ياشاعر ٍ نفرح ليا حـل طاريـك=لك قدر عالي والمحبـه وهايـب
وقتك يابن غيدان عنـا مخفيـك=في غيبتك مالك من الناس نايـب
والشعر لو ينطق شهد في قوافيك=في غيبتك يكثر عليـك السكايـب
من حكمتك يعجز معك من يجاريك=شبـاب لكنّـك بخبـرات شايـب
ياجعل حظّك في زمانـك يباريـك=واللي نواك بسـو يلقـى نشايـب
بالله لاتبطي علـى نـاس تغليـك=ويضيق جمهورك ليا صرت غايب

وهذا ردي على القصيدة السابقة

شكراً على شعرك وشكر لمباديك=مبداك طيب وكل مامنك طايب
طابت لك ايامك وطابت لياليك=وعسى على دربك تهل السحايب
ياشاعرفهمان مافيك تشكيك=قال المثل:مثلك يبار الهبايب
يالاحمدي حنا نقدر مساعيك=يفوح طيبك مثل فوح المطايب
هذا وانا موجود والله يعافيك=أسعى بهالدنيا ، وأحث الركايب
وان غبت ماقصدي ليا غبت جافيك=أكيد للغيبه ظروف وسبايب
واللي ينادي يانداء ، قلت:لبيك=مادام ماحطت علي النصايب

ارحب ارحب يابوسامي

الله يحييك وسعدنا بعودتك

بارك الله في الاخ صقر المراقيب

صح لسانك وصح لسانه

تحياتي للجميع

واللي ينادي يانـداء ، قلت:لبيـك
مادام ماحطـت علـي النصايـب
.
.
.

الله الله كفوووووو يا ابو سامي و صح لسانك و لسان شاعرنا/

خالد الاحمدي

مجاراة موفقه و حقيقة أنت و ابن معوق شعراء نفتخر بكم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يابو سامي ولسان خالد الاحمدي
ابو معتوق وافي ويحرك ركود الشعار

اخيو الغالي والشاعر القدير / نداء الغيداني
الحقيقه ان غيابك له تأثيره
وانا اعرف ان مافيك اقصور لكن الضروف ابعدتك والحمد لله انك رجعت لنا بالسلامه
واشكرك على تجاوبك بهذه السرعه وبهذا الرد الجميل ويعلم الله اني معجب بشاعريتك
واعجبتني ابياتك كثيرا
وخاصه اخر بيتين


وان غبت ماقصدي ليا غبت جافيك=أكيـد للغيبـه ظـروف وسبايـب
واللي ينادي يانـداء ، قلت:لبيـك=مادام ماحطـت علـي النصايـب
عسى عمرك طويل يابو سامي

واحب ان الشك الاخوان _ تركي الشيخ / حميدان العوفي / الحب الباقي ) صحة ابدانكم وشرفني مروركم
.............................
وشكر خاص للاخ / حمود الغيداني
وماعليك زود يابن العم

صحت السنتكم وبيض الله وجيهكم

صحت السنتكم وبيض الله وجيهكم

صح السنتكم وبيض الله وجيهكم