انا نويت اعالج المرضان لين انه يطيب

انا نويت اعالج المرضان لين انه يطيب=حتى ولو بعض الاوادم من علاجه ميسه
كلن يشيب الا الغراب الله يامنا مايشيب=الله يجيبه لم خمس اللي تروح بنفسه

صح لسانك ياسعود مطر الحربي لاهنت طاروق جزل
والله يجيب زميلك ليكتمل الابداع ونستمتع معكم بهذا الطاروق الناري

صح السانك

طاروق هجومي بحت من جراح شعري عالمي

وفقك الله اخي الكريم

صح السانك

اخي سعود ولي ملاحضه انا الرا العجز ماهو متراكب
((علاجه ميسه))
( ( تـروح بنفسـه))

	المشاركة الأصلية كتبت بواسطة حمدفهيدالحربي

	صح السانك اخي سعود ولي ملاحضه انا الرا العجز ماهو متراكب ((علاجه ميسه)) ( ( تـروح بنفسـه))

يابو فهيد ملاحظتك في محلها لو كان يقصد الشاعر (نفس اي روح الشاعر ) لكن الصحيح انه يقصد النفس -يعني يبي يقطع نفسه في هالحال(ميسه -ونفسه- بالهاء الساكنه يكون العجز صحيح و الله اعلم

صح السانك ياسعود قاف مضبوط

متابعين

وفي انتضار الشهيد


.
مشالله عليك يامضحي لغـه
شرح مستميت
والا شرح ابو الحروف

السلام عليكم قصرا للجدال

الرجاء اللي بيرد يرد بالشعر واللي عنده نصايح يوفرها لنفسه ياحمد

وانا بنتضار الشاعر المقابل

الاخ القدير الشاعرسعود مطرالحربي

صح السانك وبيض الله وجهك ودام الله عزك

تسلم ياالذيب على هذا الطاروق الجزل بجزالتك وفي انتظارزميلك ليكمل الابداع

تقبل تحياتي وتقديري

	المشاركة الأصلية كتبت بواسطة سعود مطر الحربي

	السلام عليكم قصرا للجدال الرجاء اللي بيرد يرد بالشعر واللي عنده نصايح يوفرها لنفسه ياحمد وانا بنتضار الشاعر المقابل

انت وش مزعلك

	المشاركة الأصلية كتبت بواسطة سعود مطر الحربي

	انا نويت اعالج المرضان لين انه يطيب=حتى ولو بعض الاوادم من علاجه ميسه كلن يشيب الا الغراب الله يامنا مايشيب=الله يجيبه لم خمس اللي تروح بنفسه

عالج جروحك ونتبه لدواك لو منت الطبيب=شكلك معك حمى ونفسك من زعلك متيسه
يامصيدالغربان لاتمزح ومحصولك سريب=مريوس والمريوس مايزمر وقدمه ريسه