البحور الغزر منهو يغرق فـ ماها ,,,,,,,,,,,,,,

يا سلام الله نبا شاعر يميّز فالمعاني = من هجوسٍ تبدع القيفان وتعزّز بناها
ما يجيبون الصحيح إلاّ ذريفين اليماني = والبحور الغزر منهو عامها يغرق ف ماها

مرحبا بك ياهلا حييت ياذا المودماني=والمعاني صوغها والنخل يعرف من جناها
البحور ان غوصها ونجيب لول وكهرماني=مانقول الا الصحيح وكل نفس الهامناها

	المشاركة الأصلية كتبت بواسطة الطوفان

	مرحبا بك ياهلا حييت ياذا المودماني=والمعاني صوغها والنخل يعرف من جناها البحور ان غوصها ونجيب لول وكهرماني=مانقول الا الصحيح وكل نفس الهامناها

البقا بك يالمرحب من فصيحين اللساني = والمعاني ذوق واللي قادها يعرف سراها
البحور المدلهمه مالكم فيها مواني = مير نفسك لا تطمعها وتبلش في هواها

واعتذر من الطوفان لاني خارج الآن ولكن سنستمر باذن الله

عندنا تفسيرها سموني أنا الترجماني=هات ماعندك تراني يالسنافي في حراها
المواني والسفن معروفه أنا من زماني=وأنا نفسي وافيه والناس ماتنكر وفاها

	المشاركة الأصلية كتبت بواسطة الطوفان

	عندنا تفسيرها سموني أنا الترجماني=هات ماعندك تراني يالسنافي في حراها المواني والسفن معروفه أنا من زماني=وأنا نفسي وافيه والناس ماتنكر وفاها

الجبال من الحصى وألاّ الدقيقه من ثواني = والرجوم النايفه ما كل طرقيٍ رقاها
لا تطب البحر حذرناك يا وسع الآذاني = تاكلك حيتانها وتصير لقمه من عشاها

الشكر لكل من تابعنا
بيض الله وجه الجميع
لا عدمناكم يا عيال العم

بيض الله وجهك يا حفيد
عز الله انك شاعر
ولايهون الطوفان

صح السان الشعراء
وبيض الله وجيهكم